ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » ئانا-بالىلار
ھامىلدارلىق مەزگىلىدە بۇ ئىشلارنى ئاز قىلىڭ
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-10-06كۆرۈلىشى : قېتىم
   ھامىلدار ئايالنىڭ ھەربىر يۈرۈش-تۇرۇشى ۋە ھەرىكەت-قىلمىشلىرى، قوساقتىكى بالىغا بىۋاستە تەسىر كۆرسىتىدۇ؛ ئەگەر ئۆزىمىزنىڭ ناچار قىلمىشلىرى، قوساقتىكى بوۋاقنى زىيانلىق تەسىرگە ئۇچرىتىپ قويسا، بىز كىيىن مىڭ پۇشايمان قىلغان بىلەنمۇ ئورنىغا كەلمەيدۇ. شۇنىڭ ئۈچۈن، بوۋاقنىڭ ساغلام ۋە بىخەتەر تۇغۇلۇشى ئۈچۈن، ھامىلدار ئايال تۆۋەندىكى تۆت ئىشتىن چوقۇم ساقلىنىش كېرەك.
ھەمىيشە قوساقنى سىيلاش
   ھامىلدارلىق مەزگىلىدە، ھامىيلىنىڭ ئۆسۈپ-يىتىلىشىگە ئەگىشىپ، ھامىلدار ئايالنىڭ قوسىقىمۇ تەدرىجى يوغىنايدۇ؛ بۇ مەزگىلدە، نۇرغۇن ھامىلدار ئاياللار توختىماي قوسىقىنى سىيلايدۇ. ئەمىلىيەتتە، قوساقنى ناگاندا بىر سىيلاپ بەرسەك، بەك چوڭ تەسىرى يوق؛ لېكىن، ھەمىيشە قوساقنى سىيلىساق، قوساقتىكى بالا ئانىنىڭ قول ھەرىكىتىگە ئەگىشىپ مىدىرلاپ، كىندىك بېغىنىڭ ھامىيلە بوينىنى يۆگىۋىلىش خەۋىپىنى ئاشۇرۋىتىدۇ. بۇندىن باشقا، قوساقنى كۆپ سىيلاش، بوۋاقنى سىرتقى مۇھىتقا قارىتا سەزگۈر قىلىپ قويۇپ، ھامىيلە مىدىرلاش چاستوتىسىنى تىزلىتىۋىتىدۇ؛ بۇنداق ئەھۋالنىڭ، ھامىيلىگە ۋە ھامىلدار ئايالنىڭ ئۆزىگە ھېچقانداق پايدىسى يوق.
ئۇخلاش ھالىتى خاتا بولۇش
   ھامىلدار ئايالنىڭ قوسىقى يوغىنىغانسىرى، ئۇلارنىڭ بەدىنىنىڭ يۈكىمۇ ئېشىپ مېڭىپ، ئۇخلاشمۇ بىر قىيىن ئىشقا ئايلىنىپ قالىدۇ؛ بۇنداق ئەھۋالدا، نۇرغۇن ھامىلدار ئاياللار، قوساقتىكى بالىنىڭ بالىياتقۇدىكى ئورنىنىڭ يۆتكىلىپ كىتىشىدىن ئەنسىرەپ، ئوڭدىسىغا تۈز يېتىپ ئۇخلاش ھالىتىنى قوللىنىدۇ. ئەمىلىيەتتە، بۇ خىل ئۇخلاش ھالىتى توغرا ئەمەس. ئەگەر ھامىلدار ئايال ئوڭدىسىغا يېتىپ ئۇخلىسا، ھامىيلە ھامىلدار ئايالنىڭ نىرىپلىرىنى بېسىپ قويىدۇ، ئۇنىڭ ئۈستىگە ئۇمۇرتقا سۆڭەكمۇ چوڭ بېسىمغا ئۇچرايدۇ. ھامىلدار ئايالغا نىسبەتەن، توغرا بولغان ئۇخلاش ھالىتى بولسا، سول يېنىنى بېسىپ ئۇخلاش بولۇپ، ھامىيلە ھامىلدار ئايالغا قارىتا بېسىم چۈشۈرمەيلا قالماي، يەنە ھامىلدار ئايالنىڭ يۈرىكىدىكى قان ئايلىنىشنى تىزلىتىدۇ.
زىيادە كۆپ ھەرىكەت قىلىش
   ھامىلدارلىق مەزگىلىدە ھەرىكەتلىنىپ بىرىشنىڭ گەرچە پايدىلىق تەرەپلىرى كۆپ بولسىمۇ، ئەمما ھەرىكەتلىنىش بەك قاتتىق بولۇپ كىتىشكە بولمايدۇ. بەزى ھامىلدار ئاياللار، بەدەن شەكلىنىڭ ئۆزگىرىپ كىتىشىدىن ئەنسىرەپ، ھامىلدارلىق مەزگىلىدە تەلۋىلەرچە ھەرىكەتلىنىپ چېنىقىدۇ، بۇنداق ئەھۋال ھامىيلىنىڭ غەلىتە يىتىلىپ قېلىش ئىھتىماللىقىنى ئاشۇرۋىتىدۇ. ھامىلدار ئايال ھەرىكەت قىلغان ۋاقىتتا، ھامىيلىمۇ ھامىلدار ئايالنىڭ بەدىنىگە ئەگىشىپ چايقىلىپ مىدىرلاپ بىرىدۇ؛ بۇنداق ئەھۋال، ھامىيلىنىڭ كىندىن بېغىنىڭ بوينىغا يۆگىلىۋىلىشىنى كەلتۈرۈپ چىقىرىشى مۇمكىن. بۇندىن باشقا، ھامىلدارلىق مەزگىلىدە بەك كۆپ ۋە بەك قاتتىق ھەرىكەت قىلىۋەتكەندە، ھامىيلە ئورنىنىڭ خاتا بولۇپ قېلىشىمۇ ئىھتىمالغا يېقىن بولۇپ قالىدۇ.
ھەمىشە كىچىسى ئۇخلىماسلىق ياكى ۋاقتىدا ئۇخلىماسلىق
   ھامىلدار ئايالغا نىسبەتەن ئېلىپ ئېيتقاندا، ھەمىشە كىچىلىرى ئۇخلىمىسا ياكى ۋاقتىدا ئۇخلىمىسا، ئۇلارنىڭ تىرىسى ناچارلىشىپ قالغاندىن سىرت، بەدىنىمۇ ھارغىنلىق ھىس قىلىپ، نىمە قىلسا روھسىز بولۇپ قالىدۇ. بۇندىن باشقا، كىچىلىرى ئۇخلىمىغاندا، ھامىلدار ئايالنىڭ بەدىنى تۇلۇق ئارام ئېلىشقا ئىرىشەلمىگەنلىكتىن، ئۇلارنىڭ ئىممونت كۈچى تۆۋەنلەپ ئاسانلا كىسەل بولۇپ قالىدۇ، بۇنىڭدا قوساقتىكى بالىمۇ تەسىرگە ئۇچرايدۇ. شۇنىڭ ئۈچۈن، ھامىلدار ئاياللار چوقۇم ياخشى ھەم تەرتىپلىك بولغان ئارام ئېلىش ئادىتى يىتىلدۈرۈشى كېرەك.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号