ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : باشبەت » ساغلاملىق  » ئانا-بالىلار
پىسخولوگلارنىڭ بالىلار تەربىيەسى ھەققىدە بەرگەن تەكلىپلىرى
مەنبەسى : ئاشپەز تورىيوللىغۇچى : تەمزاتبەگ ۋاقتى : 2020-03-20كۆرۈلىشى : قېتىم
   تۈنۈگۈن بىر پىسخولوگنىڭ بالا تەربىيەسى ھەققىدە سۆزلىگەن لىكسىيىسىنى ئاڭلىدىم، ئۇ گەرچە نۇرغۇن پايدىلىق قاراشلارنى ئوتتۇرىغا قويغان بولسىمۇ، ئەمما مېنىڭ ئېسىمدە پەقەت تۆۋەندىكى تەكلىپلارلا قېلىپتۇ؛ تۆۋەندە بۇلارنى كۆپچىلىك بىلەن ھەمبەھىرلىنىپ ئۆتىمەن.
   بالىلار ئۆزى بولۇپ ياشىسا ئاندىن سىزدىن ئېشىپ چۈشۈشى مۇمكىن!
   ئەگەر ئاتا-ئانىلار بالىسىنىڭ كىشىلىك ھاياتىنى ئالدىن لايىھەلەپ بەرسە، بالىلار چوقۇم خۇشال بولالمايدۇ. چۈنكى، ئۇلار ئۆزىنىڭ كىشىلىك ھاياتىنى ئۆتكۈزمەي، ئاتا-ئانىسىنىڭ كىشىلىك ھاياتىنى ئۆتكۈزگەن بولىدۇ.
   زىيادە ئامراقلىق بىر خىل پوزىتسىيە، باي كەمبەغەللىك بىلەن مۇناسىۋەتسىز
   زىيادەم ئامراقلىق ئىچىدە چوڭ بولغان  بالا، كۆپىنچە ئۆزىنىڭ تۇيغۇسىغىلا ئېتىبار بىرىدۇ، قارشى تەرەپنىڭ ھېس تۇيغۇسىنى چۈشىنەلمەيدۇ ھەمدە بۇ سەۋەبلىك خاتالىقنى باشقىلارغا ئىتتىرىپ قويۇشقا ئادەتلىنىپ، ئاتا-ئانىسىدىن، مۇئەللىمىدىن، ساۋاقداشلىرىدىن، جەمئىيەتتىن، تەلىيىدىن، ھەتتا تەقدىرىدىن ئاغرىنىدۇ.
   ئوغۇل بالا بىلەن قىز بالىغا، ئاتا-ئانىسىنىڭ تەسىرى ئوخشىمايدۇ
   ئەگەر ئوغلى بىلەن دادىسىنىڭ پىكىرلىشىشى كەمچىل بولسا، كۆڭلىدە دادىسىغا بولغان ئېتىراپ قىلىش تۇيغۇسى كەمچىل بولىدۇ، بۇ خىل ئەھۋالدا ئىگىلىك جەھەتتە مۇۋەپپەقىيەت قازىنىشى تەسكە توختايدۇ؛ ئەگەر قىز بالا كىچىكىدىنلا "خاراكتېرى كۈچلۈك ئانا" بار ئائىلىدە چوڭ بولسا، ئۇنداقتا ئۇ كەلگۈسىدە ئىرىگە ئانىسى دادىسىغا تۇتقان پوزىتسىيەگە ئوخشاش پوزىتسىيەدە بولىدۇ.
بالىلار نېمىشقا يالغان سۆزلەيدۇ؟
   يالغان ئېيتىش، بىر بالىنىڭ ئاتا-ئانىسىنىڭ ئۆزىنى كونترول قىلىۋىلىشىغا بىلدۈرگەن قارشىلىقىدۇر. ئەمەلىيەتتە، يالغان سۆزلەيدىغان ھەر بىر بالىنىڭ كەينىدە، يول قويۇش دەرىجىسى ئىنتايىن تۆۋەن بولغان ئاتا-ئانا بار بولۇپ، ئۇلار بالىسىنىڭ يۈز ئىشىنىڭ توقساق توققۇزىغا يول قويمايدۇ. ئەمەلىيەتتە، ئاتا-ئانىلار بالىلارغا كۆپرەك رۇخسەت قىلىشنى ۋە ئۇلارنىڭ سۆزلىرىنى ئەستايىدىل ئاڭلاشنى بىلسە، بالىلار تەدرىجىي ھالدا يالغان سۆزلىمەيدىغان بولىدۇ.
ئاتا-ئانىلار كۆپ جىدەللەشسە، بالىلار ئۆزىنى تاشلىۋىتىدۇ
   بۇنداق ئەھۋال بەك ئېغىرلاپ كەتسە، بالىلار كېسەل بولۇپ قېلىش، ئۆزىنى زەخىمگە ئۇچرىتىش، چۈشكۈنلىشىش، ھەتتا ئۆلۈم ئۇسۇلى ئارقىلىق، ئاتا-ئانىسىنىڭ ئەپلىشىپ قېلىشىنى قولغا كەلتۈرۈشكە ئۇرۇنۇشى مۇمكىن.
بالىلار ئاتا-ئانىسى بىلەن پىكىر ئالماشتۇرغىلى ئۇنىمىسا قانداق قىلىش كېرەك؟
   ئەمەلىيەتتە بالىلار بىلەن بولغان پىكىر ئالماشتۇرۇش جەريانىدا، سىز بالىلارغا ئۆزىڭىزنىڭ ھېسسىياتىنى غەزەپكە ئايلاندۇرۇپ بالىنى ئەيىبلىمەي، ئۆزىڭىزنىڭ ئاجىز تەرەپلىرىنى—ئامالسىزلىقىڭىزنى، ھەسرىتىڭىزنى ياكى ئازابىڭىزنى ئۇلارغا ئىپادىلىسىڭىز، بالىنىڭ قەلب دەرۋازىسى تەدرىجىي ھالدا سىز ئۈچۈن ئېچىلىشى مۇمكىن.
   ئاتا-ئانىلار بالىنىڭ ئەڭ ياخشى مۇئەللىمى. لېكىن، نۇرغۇن ئاتا-ئانىلار ئۆزىنىڭ بالىسىغا نېمىلەرنى ئېلىپ كىلەلەيدىغانلىقىنى بىلمەيدۇ، نۇرغۇن ئاتا-ئانىلار ئۆزىنىڭ بالىسىغا كۆرسىتىدىغان تەسىرىنى نەزەردىن ساقىت قىلىدۇ. بىراق، بىز شۇنى ئەستىن چىقارماسلىقىمىز كېرەككى، بالىلار تېخى كىچىك، ئۇلار بىلمەيدىغان ئىشلارنى، پەقەت ئاتا-ئانىسىنىڭ بىلدۈرۈشىگىلا تايىنىدۇ. شۇڭا، بالىڭىزغا يېڭى بىر پۇرسەت يارىتىپ بىرىشنى ئۇنۇتماڭ!

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号