ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى
نۆۋەتتىكى ئورنىڭىز : باشبەت » ساغلاملىق يىتەكچىسى » خانىم-قىزلار
بۇ شورپىدىن كۈندە بىر ئىچىۋالسىڭىز قان تۇلۇقلاش تەسكە ئەمەس
مەنبەسى : ئاشپەز تورى يوللىغۇچى : تەمزاتبەگ ۋاقتى : 2020-04-14 كۆرۈلىشى : قېتىم
   ئاياللار، ئاجىز ھەم ئادەمنى ئەنسىرىتىدىغان بىر توپ بولۇپ، كۈندىلىك تۇرمۇشتا بىر تەرەپتىن جاپالىق خىزمەت قىلغاچ، يەنە بىر تەرەپتىن ئۆي تۇتۇپ، ھەمىشە چارچاپ سالامەتلىكىگە تەسىر يەتكۈزۈۋالىدۇ. شۇنىڭ ئۈچۈن، ئاياللار ئۆزىنى ياخشى كۈتۈشى كېرەك؛ بولۇپمۇ تۆۋەندىكى ئۈچ خىل شورپىنى دائىم ئىستېمال قىلىپ تۇرۇشى لازىم.
 
قوش قىزىل كاۋا شورپىسى
   كىتەرلىك ماتېرىيالى: كاۋا 500گىرام، قىزىل چىلان 10گىرام، قىزىل شېكەر مۇۋاپىق مىقداردا، سۇ ئىككى لىتىر
تەييارلاش ئۇسۇلى
   1. كاۋىنىڭ تاشقى پوستىنى سويۇپ ئۇرۇغلىرىنى ئېلىۋەتكەندىن كېيىن، پاكىزە يۇيۇپ توغرايمىز.
   2. چىلاننى يۇيۇپ پاكىزلاپ ئۇرۇغىنى ئېلىۋىتىمىز.
   3. چىلان، كاۋا، قىزىل شېكەر قاتارلىقلارنى بىللە قوشۇپ سۇدا قاينىتىمىز. كاۋا پىشقاندىن كېيىن ئۇسۇپ ئىستېمال قىلساق بولىدۇ.
ئۈنۈمى
   كاۋىنىڭ تەبىئىتى مۆتىدىل، كاروتىن تەركىبى مول؛ كاروتىن ماددىلىرى بەدەنگە سۈمۈرۈلگەندىن كېيىن ۋىتامىن A غا ئايلىنىدۇ؛ كاۋىنىڭ تەركىبىدە يەنە ۋىتامىن E بار بولۇپ، ئاياللار ھەيىز مەزگىلىدە ئىستېمال قىلغاندا، قان ۋە ماغدۇر تولۇقلاشقا پايدىلىق بولىدۇ. قىزىل چىلان بولسا ئاشقازان ۋە ئۆتنى قۇۋۋەتلەپ، قاننى جانلاندۇرىدۇ. قارا شېكەر تەركىبىدىكى مىكرو ئىلمىنتلار ۋە كۆپ خىل مىنرالنى ماددىلارنىڭ، ئاشقازانغا ئىسسىق يەتكۈزۈش، قان تولۇقلاش، قان جانلاندۇرۇش، سوغۇق يەلنى ھەيدەش قاتارلىق ئۈنۈملىرى بار بولۇپ، دائىم ئىستېمال قىلىپ بەرگەندە، چىرايىمىزنى تېخىمۇ قىزىل قىلىپ، تېرىنىڭ ئىلاستىكىلىقىنى ئاشۇرىدۇ.
 
ئالقات ۋە چىلان قوشۇپ قاينىتىلغان قارا توخۇ شورپىسى
   كىتەرلىك  ماتېرىيال: قارا توخۇ گۆشى، غولپىياز، زەنجىۋىل، ئالقات، چىلان، تېتىتقۇ ھارىقى
تەييارلاش ئۇسۇلى
   1. قارا توخۇ گۆشىنى توغراپ تەييارلايمىز.
   2. غولپىيازنى بۆلەك ھالىتىدە توغرايمىز، زەنجىۋىلنى توغراپ داكا رەختكە ئوراپ تەييارلايمىز.
   3. قۇم قازانغا سۇ قۇيۇپ، داكا بىلەن ئورالغان زەنجىۋىل بىلەن توخۇ گۆشىنى سالىمىز؛ بىرلا ۋاقىتتا تېتىتقۇ ھارىقى، غولپىياز، ئالقات ۋە چىلان قاتارلىقلارنى بىللە قوشۇپ قاينىتىمىز.
   4. چوڭ ئوتنى كىچىك ياكى ئوتتۇرا دەرىجىلىك ئوتقا ئالماشتۇرۇپ، تازا يۇمشاپ پىشقۇچە قاينىتىمىز؛ پىشقاندىن كېيىن، زەنجىۋىل ئورالغان داكىنى سۈزۈۋەتكەندىن كېيىن ئىستېمال قىلساق بولىدۇ.
ئۈنۈمى
   قارا توخۇنىڭ ماغدۇر تۇلۇقلاش، جىگەر بىلەن بۆرەكنى قۇۋۋەتلەش، قېرىشنى ئاستىلىتىش، سۆڭەكنى چىڭىتىش قاتارلىق ئۈنۈملىرى بار بولۇپ، ئاياللاردىكى ھەيىز قالايمىقانلىشىش، تۆمۈر كەمچىللىكتىن كېلىپ چىققان قان ئازلىق كېسەللىكى قاتارلىقلارغا قارىتا ياخشىلاش رولىنى ئوينايدۇ.
 
داڭگۇي قوشۇپ پىشۇرۇلغان بېلىق شورپىسى
   كىتەرلىك ماتېرىيال: تاپان بېلىق(鲫鱼) بىر تال، داڭگۇي بىر تال، ئالقات مۇۋاپىق مىقداردا، زەنجىۋىل مۇۋاپىق مىقداردا
تەييارلاش ئۇسۇلى
   1. تاپان بېلىقنى پاكىزلاپ يۇغاندىن كېيىن، دۈمبە قىسىم تەرىپىدە توغرىسىغا كېسىپ، بىر قوشۇق تۇزنى بېلىق گەۋدىسىگە تەكشى سۈرۈپ 15 مىنۇت تۇزلايمىز.
   2. داڭگۇينى يۇيۇپ ياپراقچە ھالىتىدە توغرىۋالىمىز، زەنجىۋىلنى قەلەمچە قىلىپ توغرايمىز؛ ئالقاتنى يۇيۇپ پاكىزلايمىز.
   3. داڭگۇي، ئالقات قاتارلىقلارنى قازانغا سېلىپ، بىر قوشۇق تېتىتقۇ ھارىقى ۋە تۆت چىنە سۇ قۇيۇپ، چوڭ ئوتتا قايناتقاندىن كېيىن، كىچىك ئوتتا 25 مىنۇت تۇۋاقنى يېپىپ قاينىتىمىز.
   4. بېلىقنىڭ قورساق قىسىمىغا ئازراق زەنجىۋىل تىقىپ، بېلىقنى شورپا قازىنىغا سېلىپ، ئۈستىگە ئالدىدا قايناتقان داڭگۇي ئالقات شورپىسىنى تۆكۈپ، چوڭ ئوتتا قايناتقاندىن كېيىن، كىچىك ئوتتا 35 مىنۇتتا قاينىتىمىز. ئاخىرىدا ئازراق تۇز قوشۇپ تەم تەڭشەپ ئۇسۇپ ئالساق بولىدۇ.
ئۈنۈمى
   تاپان بېلىق شورپىسى ئىنتايىن قۇۋۋەتلىك بولۇپ، ھەيىز ئاغرىتىپ كېلىدىغان، بەدىنى ئاجىز ئاياللارنىڭ ئىستېمال قىلىشىغا ماس كېلىدۇ.

ساغلاملىق ۋە تۇرمۇش

  • ئوتخور بېلىق(草鱼)

    ئوتخور بېلىق(草鱼)

    ئوتخور بېلىق، سازان ئائىلىسىدىكى بېلىق بولۇپ، سۇ ئاستىدىكى ئوت چۆپلەرنى ئىستېمال قىلىپ جان ساقلىغانلىق ئۈچۈن ئوتخور بېلىق دەپ نام بىرىلگەن.

  • قارا توخۇ(乌鸡)

    قارا توخۇ(乌鸡)

    قارا توخۇ، يەنە قارا سۆڭەكلىك توخۇ تەپمۇ ئاتىلىدىغان بولۇپ، ئاق پەيلىك قارا توخىمۇ بار؛ لېكىن مەيلى ئاق پەيلىك ياكى قارا پەيلىك بولسۇن، ھەممىسىنىڭ گۆشى ۋە سۆڭىكى ق

  • بادام (巴旦木)

    بادام (巴旦木)

    بادام، بادام دەرىخىنىڭ پارسچە ئاتىلىشىنىڭ ئاھاڭ تەرجىمىسى بولۇپ، بادام دەرىخىنىڭ مىۋىسى بادام ئۆرۈكى دەپ ئاتىلىدۇ، ئىلمىي ئاتىلىشى بولسا ياپىلاق شاپتۇل.

  • قوي گۆشى(羊肉)

    قوي گۆشى(羊肉)

    قوي گۆشىنىڭ تەبىئىتى مۆتىدىل بولۇپ، قوي گۆشى ۋە ئۆچكە گۆشى دەپ ئايرىلىدۇ. قوي گۆشى تۇرمۇشىمىزدىكى ئەڭ كۆپ ئۇچرايدىغان ھەم ئەڭ كۆپ ئىستېمال قىلىنىدىغان گۆش تۈرى

  • پىستە بادام(开心果)

    پىستە بادام(开心果)

    پىستە بادام، سىر دەرىخى ئائىلىسىدىكى كۆپ يىللىق يۇپۇرماق تاشلايدىغان مىۋىلىك دەرەخ بولۇپ، ياۋا پىستە بادام ئەڭ دەسلەپ ئوتتۇرا ئاسىيا ۋە غەربى ئاسىيادىن تارقالغان

  • ئوپراتسىيە قىلدۇرۇپ تۇغقان ئاياللار بىلىۋىلىشقا تىگىشلىك تۆت ئىش

    ئوپراتسىيە قىلدۇرۇپ تۇغقان ئاياللار بىلىۋىلىشقا تىگىشلىك تۆت ئىش

    تۇغۇت، ئاياللارنىڭ ئۆمرىدىكى ئەڭ مۇھىم بىر ئىش؛ ئاياللار ئۆزىنىڭ تۇغقان بالىسىنى كۆرگەندىن كىيىن، ئۇلار تارتقان جاپاسىنىڭ ۋە ئاغرىقىنىڭ ھەممىنى ئۇنتۇيدۇ.

  • سېلىشتۇرمىسا كۆڭۈل ئاغرىمايدۇ

    سېلىشتۇرمىسا كۆڭۈل ئاغرىمايدۇ

    بىرەر مەسىلىنى ئەڭ ئوبرازلىق ھالدا تەسۋىرلەپ بىرىشتە، ئۇنى باشقا بىر نەرسە بىلەن سېلىشتۇرۇپ تەسۋىرلەش، ئەڭ ئۈنۈملۈك بىر ئۇسۇلدۇر.

  • ياز پەسلىدە كۆكتاتنى قانداق ئىستىمال قىلىش كىرەك

    ياز پەسلىدە كۆكتاتنى قانداق ئىستىمال قىلىش كىرەك

    كۆكتاتلار ئادەمنىڭ كۆزىگە باشقىچە چىرايلىق كۆرىنىدۇ. چۈنكى، كۆكتاتلار تەمى ياخشى، يىڭى ھەم چۈرۈك؛ ئۇنىڭ ئۈستىگە تۈرلىرىمۇ كۆپ بولغاچقا، كۆڭۈلنى تۇتىۋالىدىغان يا

  • تۇغۇتتا ئاياللارنىڭ بۇ تۆت يىرى ئەڭ چوڭ "زىيان"غا ئۇچرايدۇ

    تۇغۇتتا ئاياللارنىڭ بۇ تۆت يىرى ئەڭ چوڭ "زىيان"غا ئۇچرايدۇ

    كونىلارنىڭ "ئايال كىشى تۇغۇتىدا ئون ياش قېرىپ كىتىدۇ" دىگە گېپى ئىنتايىن توغرا ئېيتىلغان. ئايال كىشى ھامىلدارلىق مەزگىلىدە نۇرغۇن جەۋرى جاپالارنى چىكىپ، ئاخىرىدا

  • كۆپ خالتىلىق تۇخۇمدان دىئاگونوزى قويۇلغان ئايال تۆتكىزەك تۇغدى

    كۆپ خالتىلىق تۇخۇمدان دىئاگونوزى قويۇلغان ئايال تۆتكىزەك تۇغدى

    28ياشلىق كىندال.ماكدونالد، يىڭى زىللاندىيەنىڭ دىمالۇدىن بولۇپ، ھازىر ئۇ بەش بالىغا ئانا بولدى: تۆت ياشلىق چوڭ ئوغلى ۋە ئۇنىڭ تۆتكىزەك ئىنىلىرى. بەش بالىسى ھازىر، ئ

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2020 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号