ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : باشبەت » ساغلاملىق  » تۇرمۇش مەسلىھەتچىسى
تاماقتىن كىيىنكى يېرىم سائەت، كۈتۈنۈشتىكى ئالتۇن مەزگىل
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-10-13كۆرۈلىشى : قېتىم

ئەتىگەنلىك ناشتىن كىيىنكى يېرىم سائەت
   1. بەدەن چېنىقتۇرۇشقا ئالدىرماڭ، بولمىسا ھەزىم قىلىش ناچار بولۇشنى كەلتۈرۈپ چىقىرىدۇ.
   2. قوللىرىڭىزدا تىز بوغۇمىڭىزنى ئۇۋۇلاپ بىرىڭ، بۇنىڭدا ئاشقازان جىڭلولىرىنى راۋانلاشتۇرىدۇ؛ بۇندىن باشقا يەنە، قىش كۈنلىرىدە سۇغۇق يەلنى ھەيدەپ، بوغۇملارغا سۇغۇق ئۆتۈپ كىتىشتىن ساقلايدۇ.
چۈشلۈك تاماقتىن كىيىنكى يېرىم سائەت
   1. چۈشلۈك تاماقتىن كىيىنكى يېرىم سائەت، بەدەن ھالىتى ۋە روھى ھالەتنى تەڭشەشتىكى ئەڭ مۇھىم ۋاقىتتۇر. تەتقىقاتلاردا كۆرسىتىلىشىچە، چۈشتە مۈگدەپ بىرىشنىڭ، بېسىمنى يىنىكلىتىش، ئەستە ساقلاش ئىقتىدارىنى ئاشۇرۇش قاتارلىق ئۈنۈملىرى بار بولۇپ، پەقەت ئون نەچچە مىنۇتلا مۈگدىگەن تەقدىردىمۇ، ئۈنۈمى ناھايىتى كۆرۈنەرلىك بولىدىكەن.
   2. ئۇخلاشقا ئىمكانىيەت بولمىغان تەقدىردىمۇ، پۇت-قوللىرىمىزنى سوزۇپ، بىر نەچچە قېتىم چوڭقۇر نەپەس ئېلىۋالساق، جىددىچىلىكتىن چىڭىپ قالغان بەدىنىمىزنى بوشىتىشقا پايدىلىق بولىدۇ.
كەچلىك تاماقتىن كىيىنكى يېرىم سائەت
   1. ھەرىكەت قىلىشقا ئالدىرماڭ، يۇيۇنۇشقا ۋە پۇتىڭىزنى سۇغا چىلاشقىمۇ ئالدىرماڭ؛ بولمىغاندا، بەدىنىڭىز يۈز قىسىمدىكى قان ئېقىمى ئېشىپ كىتىپ، ئاشقازان-ئۈچەي يوولىدىكى قان ئېقىمى ئازلاپ كىتىدۇ ھەمدە بۇ سەۋەپلىك ئاشقازان-ئۈچەينىڭ ھەزىم قىلىش ئىقتىدارى ئاجىزلاپ كىتىدۇ.
   2. بۇ ۋاقىتتىن پايدىلىنىپ، بەزىبىر ئۆي ئىشلىرىنى قىلسىڭىز بولىدۇ؛ مەسىلەن، قاچا يۇيۇش ياكى ئۆي ئىچىنى رەتلەش قاتارلىقلار. ئازراق مىدىرلاپ بەرسىڭىز، ھەزىم قىلىش سېستىمىسىغا كۆپ بېسىم چۈشۈرمەيدۇ.
   تاماقتىن كىيىن بۇ ئىشلارنى قىلماڭ:
تاماقتىن كىيىن دەرھال مىۋە چىۋە يىيىش
   يىمەكلىك ئاشقازانغا كىرگەندىن كىيىن، 1-2سائەتلىك ھەزىم قىلىش ۋاقتىغا ئىھتىياجلىق؛ ئەگەر تاماقتىن كىيىن دەرھال مىۋە-چىۋە يىسەك، ئالدىدا يىگەن يىمەكلىكلەر تەرپىدىن توسۇپ قېلىنىپ، مىۋە-چىۋىنىڭ ئاسان ھەزىم بولالماسلىقىنى كەلتۈرۈپ چىقىرىدۇ ھەمدە ئاشقازان ئاسانلا كۆپۈپ قالىدۇ. شۇڭا، مىۋە-چىۋىنى ئەڭ ياخشى ئىككى ۋاخ تاماقنىڭ ئارىلىقىدا يىيىش لازىم، بۇنىڭدا ئۈنۈمى ئەڭ ياخشى بولىدۇ.
تاماقتىن كىيىن دەرھال چېنىقىش
   تاماقتىن كىيىنكى يېرىم سائەت ئىچىدە، ئاشقازانغا يىمەكلىك تولغانلىق سەۋەبىدىن، ئاشقازان ناھايىتى ئېغىر بولۇپ قالىدۇ. بۇ ۋاقىتتا چېنىقىمەن دىسەك(سەيلە قىلىش قاتارلىق يىنىك تىپتىكى چېنىقىشنىمۇ ئۆز ئىچىگە ئالىدۇ)، ئاشقازان تەۋرىنىش "ئازابى"غا ئۇچراپ، ھەزىم قىلىش ئىقتىدارى تەسىرگە ئۇچرايدۇ، ئەگەر بۇ ئەھۋال ئۇزۇن مەزگىل داۋاملاشسا، ئاشقازان كىسەللىكىنى كەلتۈرۈپ چىقىرىدۇ.
تاماقتىن كىيىن دەرھال قېنىق چاي ئىچىش
   تاماقتىن كىيىنلا قېنىق چاي ئىچسەك، چاي ئاشقازان سۇيۇقلۇقىنى سۇيۇلدۇرۇپ، يىمەكلىكنىڭ ھەزىم قىلىشىغا تەسىر كۆرسىتىدۇ. بۇنىڭ بىلەن بىر ۋاقىتتا، چاي تەركىبىدىكى تاننىك كىسلاتا، يىمەكلىك تەركىبىدىكى ئاقسىلنى، ئاسان ھەزىم بولمايدىغان قاتتىق ھالەتتىكى ماددىلارغا ئايلاندۇرۇپ قويۇپ، ئاشقازاننىڭ بېسىمىنى ئاشۇرۋىتىدۇ ھەمدە ئاقسىلنىڭ بەدەنگە سۈمۈرۈلىشىگە تەسىر كۆرسىتىدۇ.
تاماقتىن كىيىن دەرھال يېتىپ ئۇخلاش
   بەزىلەر ئىشتىن قايتىپ كىلىپ تاماق يەپ بولغاندىن كىيىن، تويۇنۇش تۇيغۇسى ئۇلارنىڭ ئۇيقۇسىنى كەلتۈرىدۇ، بۇنىڭغا كۈندۈزلۈك خىزمەتتىكى چارچاش قوشۇلۇپ، ئۇلار بىردەم يېتىپ ئۇخلىۋالىدۇ. بىراق، تاماق يەپ بولۇپلا ئۇخلاش، ئاشقازاننىڭ يۈكىنى ئېغىرلىتىۋىدىغان بولۇپ، يىمەكلىك ھەزىم بولماي بەدەندە ساقلىنىپ قېلىپ، سېمىزلىكنى كەلتۈرۈپ چىقىرىدۇ.
تاماق يەپ بولۇپلا يۇيۇنۇش
   تاماق يەپ بولۇپلا يۇيۇنغاندا، بەدەن يۈز قىسىمدىكى قان ئېقىم مىقدارى كۆپىيىپ، ئاشقازان ۋە ئۈچەي يولىدىكى قان مىقدارى ئازلاپ قالىدۇ؛ بۇنداق ئەھۋالدا، ئاشقازان ۋە ئۈچەينىڭ ھەزىم قىلىش ئىقتىدارىغا تەسىر يىتىپ، ھەزىم قىلىش ناچارلىشىشنى كەلتۈرۈپ چىقىرىدۇ. ئىلىم پەن نوقتىسىدىن ئېلىپ ئېيتقاندا، تاماقتىن بۇرۇن قوساق ئاچ ۋاقىتتا يۇيۇنۇشقا بولمايدۇ، بولمىسا ئوكسىگىن يىتىشمەسلىك ۋە ۋاقىتلىق قان ئازلىقنى كەلتۈرۈپ چىقىرىدۇ؛ تاماقتىن كىيىن دەرھال يۇيۇنۇشقىمۇ بولمايدۇ، ئەڭ ياخشىسى تاماق يەپ بولۇپ بىرسائەت ياكى تېخىمۇ ئۇزۇن ۋاقىتنى ئۆتكۈزىۋىتىپ ئاندىن يۇيۇنۇش كېرەك.
تاماقتىن كىيىن بۇ ئۇسۇللاردا كۈتۈنۈش قىلىڭ
   تاماقتىن كىيىن 15مىنۇت ئارام ئېلىپ، بەزىبىر يىنىك مۇزىكالارنى ئاڭلاڭ ھەمدە ئازراق چاي ئىچىپ بىرىڭ، ئەمما كۆپ بولۇپ كەتمەسلىكى كېرەك.
   يېرىم سائەتتىن كىيىن، چىشىڭىزنى چوتكىلاپ ياكى ئېغىزىڭىزنى چايقاپ، ئېغىز بوشلۇقى، جۈملىدىن چىشىڭىزنىڭ ساغلاملىقىنى ئاسراڭ.
   كەينىدىن سەيلە قىلىش نۆۋىتى كىلىدۇ. سەيلە قىلغاندا يول مېڭىشنىلا بىلمەي، سەيلە قىلىش جەريانىدا نەپەس رېتىمىڭىزنى تەڭشەپ، رېتىملىق ۋە تۇراقلىق ھالدا نەپەسلىنىڭ؛ بۇنىڭدا، ئاشقازان ئۈچەينىڭ ھەزىم قىلىشى ۋە ئۇزۇقلۇق سۈمۈرىشىگە تېخىمۇ پايدىلىق بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2020 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号