ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : باشبەت » ساغلاملىق  » تۇرمۇش مەسلىھەتچىسى
بۇ ئايدا تۇغۇلغانلار تېخىمۇ ئۇزۇن ئۆمۈر كۆرىدىكەن، سىز بارمىكەن؟
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-12-13كۆرۈلىشى : قېتىم
   ئۇزۇن ئۆمۈر كۆرۈش، مەڭگۈ كۆپچىلىكنىڭ ئالقىشىغا ئىرىشىدىغان بىر تېما؛ بىز ھەمىشە، قايسى خىلدىكى تۇرمۇش ئۇسۇلى ۋە يېمەك-ئىچمەك ئادىتىنىڭ، ئۇزۇن ئۆمۈر كۆرۈشكە پايدىلىق ئىكەنلىكى توغرىسىدا تالاش تارتىش قىلىمىز. لېكىن سىزنىڭ بىلمەيدىغىنىڭىز، ئەمەلىيەتتە تۇغۇلغان ئاشۇ ۋاقىتتا، نۇرغۇن كىشىلەرنىڭ كەلگۈسىدە كۆرىدىغان ئۆمرىدە پەرق شەكىللىنىپ بولىدۇ. قىزىقارلىق بىر تۈرلۈك تەتقىقاتتا بايقىلىشىچە، تۇغۇلغان ئاي،ئۇزۇن ئۆمۈر كۆرۈش بىلەن مۇناسىۋەتلىك ئىكەن.

   بۇ تۈرلۈك تەتقىقاتتا، زور بىر تۈركۈم 100ياشتىن ئاشقان كىشىلەرنى تاللاپ، ئۇلار بىلەن ئۆمرى نىسبەتەن قىسقا بولغان بىر تۇغقانلىرى ۋە جۈپتى ئوتتۇرىسىدا سېلىشتۇرۇش ئېلىپ بارغان؛ ئاخىرىدا ئىرىشكەن نەتىجە بولسا، ئەگەر سىز 12-ئايدا تۇغۇلغان بولسىڭىز، ئۇنداقتا سىزنىڭ 100ياشتىن ئارتۇق ئۆمۈر كۆرۈشىڭىزدە ئۈمىد زور ئىكەن. "ياشانغانلار تەتقىقات ژورنىلى"دا ئېلان قىلىنغان بىر تۈرلۈك خەۋەردە كۆرسىتىلىشىچە، 12-ئايدا تۇغۇلغان كىشىلەرنىڭ ئۆمرى، باشقا ئايدا تۇغۇلغان كىشىلەرگە قارىغاندا ئۇزۇنراق بولىدىكەن.
   12-ئايدا تۇغۇلغان كىشىلەرنىڭ ئۇزۇن ئۆمۈر كۆرۈش ئېھتىماللىقىنىڭ يۇقىرى بولۇشىدىكى سەۋەب، ئاساسلىقى تۆۋەندىكى ئامىللار بىلەن مۇناسىۋەتلىك: ئالدى بىلەن، 12-ئايدا تۇغۇلغان كىشىلەر جىسمانىي جەھەتتىن تېخىمۇ قاۋۇل ھەم ساغلام كىلىدىكەن؛ تەتقىقاتچىلارنىڭ قارىشىچە، 12-ئايدا تۇغۇلغانلار "تۇغۇلما تەنھەرىكەتچى" ھېسابلىنىدىغان بولۇپ، بەدىنى ئىنتايىن ساغلام كىلىدىكەن. 11-ئايدا تۇغۇلغانلارنىڭ بولسا، كۈچ-ماغدۇرى ۋە بەرداشلىق بىرىش كۈچى يامان ئەمەس بولىدىكەن، شۇڭا ئۇزۇن ئۆمۈر كۆرۈش بىلەن مۇناسىۋەتلىك بولۇش جەھەتتە، 12-ئايدىن قالسىدا ئىككىنچى ئورۇندا تۇرىدىكەن، 10-ئاي ئۈچىنچى ئورۇندا ئىكەن.
   بەدىنى قاۋۇل ھەم ساغلام بولغاندىن باشقا، 12-ئايدا تۇغۇلغان كىشىلەر، خىزمەت ۋە تۇرمۇشتا جاپاغا چىدايدىغان، كۆپ قاقشىمايدىغان، كەيپىيات داۋالغۇشى نىسبەتەن ئاز كىلىدىكەن؛ بۇ ئالاھىدىلىكلەرنىڭ ساغلاملىققا پايدىسى ئىنتايىن چوڭ بولۇپ، ئادەمنى نۇرغۇنلىغان كېسەللىكلەردىن ساقلاپ قېلىپ، بۇ سەۋەبلىك ئۇزۇن ئۆمۈر كۆرۈشكە پايدىلىق تەسىر كۆرسىتىدىكەن.
   تەتقىقاتچىلار، بۇ تەتقىقات يەكۈنىنى "پەسىل خاراكتېرلىك پەرق" دەپ ئاتىغان. بۇ پەسىلدە تۇغۇلغان بوۋاقلارغا نىسبەتەن، ئانىنىڭ ھامىلدارلىق ۋاقتى ئەتىياز، ياز، كۈز پەسىللىرىگە توغرا كىلىدىغان بولۇپ، بۇ ئۈچ پەسىلدە قۇياش نۇرى يىتەرلىك بولغاچقا، بەدەندە بىرىكىدىغان ۋىتامىنDنىڭ مىقدارى نىسبەتەن تولۇپ بولۇپ، ھامىيلىنىڭ تېخىمۇ ساغلام يېتىلىشىگە پايدىلىق بولىدىكەن.
   ئەلۋەتتە، بۇ تۈرلۈك تەتقىقات، پەقەت ئۇزۇن ئۆمۈر كۆرۈشكە ھۆكۈم قىلىشتىكى بىر تۈرلۈك پايدىلىنىش نۇقتىسى؛ بىر ئادەمنىڭ ئۇزۇن ئۆمۈر كۆرۈش كۆرمەسلىكىنى بەلگىلەيدىغان ئامىللار ئىنتايىن كۆپ، مەسىلەن، ئىرسىيەت، يېمەك-ئىچمەك، تۇرمۇش ئادەتلىرى دېگەنلەرگە ئوخشاش.
 

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号