ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : باشبەت » ساغلاملىق  » تۇرمۇش مەسلىھەتچىسى
ئالمىنىڭ تاتلىق ياكى ئەمەسلىكىنى پەرقلەندۈرۈش ئۇسۇلى
مەنبەسى : ئاشپەز تورىيوللىغۇچى : تەمزاتبەگ ۋاقتى : 2020-03-23كۆرۈلىشى : قېتىم

  ئالما، ئاساسەن ھەممە ئادەم ياقتۇرۇپ ئىستېمال قىلىدىغان بىر خىل مىۋە بولۇپ، ئۇزۇقلۇق تەركىبى مول، باھاسى مۇۋاپىق. لېكىن، نۇرغۇن كىشىلەر ئالما تاللاپ سېتىۋالغان ۋاقىتتا، ئالمىنىڭ تاتلىقىنى تاللاشنى بىلمەي، ھەمىشە چۈچۈمەل تەملىك ئالما سېتىۋىلىپ قالىدۇ. شۇڭا بۈگۈن كۆپچىلىكنىڭ دىققىتىگە، تاتلىق ئالما تاللاش ئۇسۇلىنى تونۇشتۇرۇپ ئۆتىمىز.

  ئالدى بىلەن، ئالمىنىڭ تاتلىق بولۇش بولماسلىقى، ئۇنىڭ ئېغىرلىقى بىلەن بىۋاستە مۇناسىۋەتلىك. ئوخشاش چوڭ-كىچىكلىكتىكى ئىككى ئالمىنى قولىمىزدا دەڭسەپ كۆرسەك، ئېغىرراق بىلىنگەن ئالمىنىڭ سۇ تەركىبى تېخىمۇ يىتەرلىك بولۇپ، ئۇنىڭ تېخىمۇ تاتلىقراق بولىدىغانلىقىغا ۋەكىللىك قىلىدۇ.

  ئىككىنچىدىن، ئالمىنىڭ سىرتقى يۈزىنىڭ سىيلىق ياكى يىرىك ئىكەنلىكىگە دىققەت قىلىمىز. ئالما سېتىۋالغان ۋاقىتتا، قولىمىزدا ئالمىنىڭ يۈز قىسىمىنى سىيلاپ، يىرىكلىك دەرىجىسىنى بىلىپ باقساق بولىدۇ. سىرتقى يۈزى نىسبەتەن يىرىك بولغان ئالما، سىرتقى يۈزى سىيلىق بولغان ئالمىغا قارىغاندا تېخىمۇ تاتلىق بولىدۇ. چۈنكى، ئالمىنىڭ سىرتقى يۈزىنىڭ يىرىك بولۇشى، بۇ ئالمىغا قۇياش نۇرى چۈشۈشنىڭ بىر قەدەر يىتەرلىك ئىكەنلىكىنى بىلدۈرىدىغان بولۇپ، بۇنداق ئالما ئادەتتە تاتلىق چىقىدۇ.

  ئۈچىنچىدىن، ئالمىنىڭ رەڭگىگە قارايمىز. ئالما تاللىغان ۋاقىتتا، قىزىللىق ئارىسىدا سېرىق رەڭ بار بولغان ئالما تاللاپ سېتىۋېلىشىمىز كېرەك؛ ئەگەر ئالما پۈتۈنلەي قىزىل رەڭدە بولسا، بۇنداق ئالمىنى ئىمكان بار سېتىۋالماسلىق لازىم. چۈنكى، پۈتۈنلەي قىزىل رەڭدە بولغان ئالما، نىسبەتەن چۈچۈمەل كېلىدۇ.

  ئاخىرىدا، ئالمىنىڭ ساپىقىدىكى ئولتۇرۇشقا قىسىمغا قارايمىز. ئالما ساپىقىدىكى ئولتۇرۇشقا ئورۇن قانچە چوڭقۇر بولسا، بۇ ئالمىنىڭ شۇنچە ياخشى پىشقانلىقىغا ۋەكىللىك قىلىدۇ، دېمەك بۇ ئالما شۇنچە بەك تاتلىق چىقىدۇ؛ بۇندىن باشقا، بىز يەنە بۇ ئولتۇرۇشقا قىسىمنىڭ رەڭگىگە قارايمىز. ئەگەر ئولتۇرۇشقان قىسىم رەڭگى، قىزىللىق ئارىسىدا سېرىق رەڭ بار بولسا ياكى سېرىق رەڭ ئارىسىدا كۆكرەڭ قوشۇلغان بولسا، ئۇنداقتا بۇ ئالمىنىڭ نىسبەتەن يېڭى ھەم تاتلىق ئىكەنلىكىگە ۋەكىللىك قىلىدۇ. ئەگەر ئالمىنىڭ ساپىقىدىكى ئولتۇرۇشقا قىسىم قارىداپ قالغان بولسا، ئۇنداقتا بۇنداق ئالمىنى سېتىۋالماسلىق كېرەك؛ چۈنكى بۇ ئەھۋال، بۇ ئالمىنىڭ ئۈزۈلگەن ۋاقتىنىڭ ئۇزىراپ كەتكەنلىكىنى بىلدۈرىدۇ، بۇنداق ئالما بەك تاتلىق چىقمايدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号