ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

رەسىملىك تائاملار

نۆۋەتتىكى ئورنىڭىز : باشبەت » رەسىملىك تائاملار » ئۇن تائاملىرى
جۇۋاۋا قىيمىسى تۇرۇپتىمۇ ئوخشايدۇ، ئىشەنمەي قالماڭ!
مەنبەسى : ئاشپەز تورىيوللىغۇچى : تەمزاتبەگ ۋاقتى : 2020-01-01كۆرۈلىشى : قېتىم
   
   تۇرۇپ، قىش كۈنىدە ئەڭ كۆپ ئۇچرايدىغان كۆكتات بولۇپ، مەيلى ئاق تۇرۇپ، قىزىل تۇرۇپ ياكى كۆك تۇرۇپ بولسۇن، بازاردىكى ئەڭ كۆپ ئۇچرايدىغان ھەمدە ئەڭ ئەرزان كۆكتاتلارنىڭ بىرىدۇر. لېكىن، سىز تۇرۇپنى ھەرگىز بوش كۆرمەڭ، ئۇنىڭ باھاسى گەرچە ئەرزان بولسىمۇ، ئەمما تەركىبىدە ئادەم بەدىنىگە زۆرۈر بولغان كۆپ خىل ئۇزۇقلۇق ماددىلار بار بولۇپ، كونىلارنىڭ "قىشتا تۇرۇپ يازدا زەنجىۋىل يەپ بەرسە، دوختۇرنىڭ ئالدىغا بېرىش كەتمەيدۇ" دېگەن گېپى بىكارغا ئېيتىلمىغان.

   تۇرۇپنىڭ ئىستېمال ئۇسۇلى ھەر خىل بولۇپ، جۇۋاۋا يىيىشنى ياخشى كۆرىدىغان كىشىلەرمۇ، تۇرۇپتا قىيما قىلىپ جۇۋاۋا پىشۇرۇپ يىسە، ئېغىز خۇمارىنى بېسىپلا قالماي، يەنە بەدەنگە ئۇزۇقلۇق تولۇقلاش ئۈنۈمىگە ئېرىشكىلى بولىدۇ.
تەييارلاش ئۇسۇلى
   بىرىنچى قەدەمدە، تۇرۇپنى ئاقلاپ يۇيۇپ پاكىزلىغاندىن كېيىن، قەلەمچە قىلىپ توغرىۋالىمىز.
   ئىككىنچى قەدەمدە، گۆشنى قىيما قىلىپ توغرايمىز؛ پىياز ۋە زەنجىۋىلنى ئاقلاپ پاكىزىلاپ چاناپ توغرىۋالىمىز.
   ئۈچىنچى قەدەمدە، گۆش، پىياز، زەنجىۋىل قاتارلىقلارنى بىر قاچىغا سېلىپ، مۇۋاپىق مىقداردا كاۋاۋىچىن تالقىنى ۋە جىياڭيۇ قوشۇپ، تەكشى ئارىلاشتۇرۇپ بىردەم قويۇپ قويىمىز؛
   تۆتىنچى قەدەمدە، تۇرۇپ قەلەمچىسىگە مۇۋاپىق مىقداردا تۇز قوشۇپ تەكشى ئارىلاشتۇرىمىز؛ بىردەم قويۇپ سۈيى چىققاندىن كېيىن، سۈيىنى سىقىۋىتىپ چاناپ قىيما ھالىتىگە ئەكىلىمىز.
   بەشىنچى قەدەمدە، تۇرۇپنى گۆش قىيمىسىغا قوشۇپ، ئۈستىگە مۇۋاپىق مىقداردا ئىستىمال مېيى، كۈنجۈت مېيى، تۇز قاتارلىقلارنى قوشۇپ، تەكشى ئارىلاشتۇرۇپ جۇۋاۋا قىيمىسى تەييارلايمىز.
   ئالتىنچى قەدەمدە، داسقا مۇۋاپىق ئۇن ئېلىپ خېمىر يۇغۇرىمىز.
   يەتتىنچى قەدەمدە، خېمىرنى كىچىك كىچىكتىن ئۈزۈپ، يايغۇدا يېيىپ جۇۋاۋا جىلتى تەييارلايمىز.
   سەككىزىنچى قەدەمدە، جىلتقا قىيما سېلىپ جۇۋاۋا تۈگىمىز.
   توققۇزىنچى قەدەمدە، قازانغا سۇ قۇيۇپ قاينىتىپ، جۇۋاۋىنى سېلىپ پىشۇرۇپ ئالساقلا بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2020 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号