ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

رەسىملىك قورىمىلار

نۆۋەتتىكى ئورنىڭىز : 首页 » رەسىملىك قورىمىلار » توخو گوشى قورىمىلار
لازىجىنى بۇ ئۇسۇلدا تەييارلىسىڭىز، رېستورانلاردىكىدىن قېلىشمايدۇ
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-11-13كۆرۈلىشى : قېتىم
   لازىجى، شىنجاڭ، سىچۈەن قاتارلىق جايلارنىڭ ئالاھىدە تائاملىرىنىڭ بىرى بولۇپ، سىرتى چۈرۈك ئىچى يۇمران، ئاچچىق ھەم يىيىشلىك كېلىدۇ. نۇرغۇن دوستلارنىڭ ئىنكاس قىلىشىچە، ئۇلار گەرچە لازىجىنى ئۆيدە تەييارلاپ يەپ باققان بولسىمۇ، ئەمما سىرتتىكى تاماقخانىلاردىكىدەك ئۇنداق تەملىك چىقىرالمىغان. بۇ سەۋەبلىك، بۈگۈن كۆپچلىكنىڭ دىققىتىگە لازىجى تەييارلاش ئۇسۇلىنى تونۇشتۇرۇپ ئۆتىمىز؛ بىز تونۇشتۇرغان بۇ ئۇسۇل بويىچە تەييارلىسىڭىز، ئۆيىڭىزدىمۇ سىرتتىكى تاماقخانىلارنىڭكىدىن قېلىشمىغۇدەك تەملىك لازىجى يىيەلەيسىز.
   كىتەرلىك ماتېرىيال: توخۇ پۇت گۆش، قاقمۇچ، كاۋاۋىچىن، زەنجىۋىل، سامساق، تۇز، تېتىتقۇ ھارىقى، ئاق كۈنجۈت، شىڭچوۋ جىياڭيۇسى، خاسىڭ
تەييارلاش ئۇسۇلى
   ئالدى بىلەن، يىڭى بولغان توخۇ پاچىقىنى تاللاپ سېتىۋالىمىز؛ ئەمەلىيەتتە توخۇ تۆش گۆشىنى ئىشلەتسەكمۇ بولىدۇ، ئەمما پۇت گۆش تېخىمۇ يۇمران بولغاچقا، لازىجى تېخىمۇ تەملىك چىقىدۇ. توخۇ گۆشىنى سۇدا بىر چايقىۋەتكەندىن كېيىن، كىچىكرەك توغراپ تەييارلايمىز.
   چوڭراق قاچىدىن بىرنى تەييارلاپ، توغرىغان توخۇ گۆشىنى سالىمىز؛ ئۈستىگە مۇۋاپىق مىقداردا تېتىتقۇ ھارىقى، جىياڭيۇ، تۇز، زەنجىۋىل تالقىنى قاتارلىقلارنى قوشۇپ، تەكشى ئارىلاشتۇرغاندىن كېيىن، قاچىنىڭ ئېغىزىنى يېڭى ساقلاش پىلاستىرى بىلەن ھىم ئوراپ، توڭلاتقۇنىڭ سۇغۇق ساقلاش ئىشكابىدا ئىككى سائەت قويىمىز.
   ۋاقىت توشۇپ توخۇ گۆشىگە تەم كىرگەندىن كېيىن، قازاننى ئېسىپ، مۇۋاپىق مىقداردا ماي قۇيۇپ قىزىتىمىز ھەمدە توخۇ گۆشىنى قازانغا سېلىپ داغلايمىز. بۇ جەرياندا، قازاندىكى گۆشنى چۈمۈچ بىلەن مالتىلاپ ئارىلاشتۇرۇپ تۇرۇش كېرەك، بۇنىڭغا ئاندىن تېخىمۇ تەكشى داغلىنىپ، گۆشنىڭ كۈيۈپ كېتىشىنىڭ ئالدىنى ئالغىلى بولىدۇ. توخۇ گۆشى داغلىنىپ سرتقى يۈزى سارغايغاندىن كېيىن، توخۇ گۆشىنى سۈزۈپ ۋە ماينى تۇلۇق ساقىتىۋىتىپ، ئىشلىتىش ئۈچۈن ئېلىپ قويىمىز.
   ئۈچىنچى قەدەمدە، قازانغا ئازراق ماي قۇيۇپ، چانالغان سامساق، كاۋاۋىچىن، قاقمۇچ قاتارلىقلارنى سېلىپ قورۇپ تەم چىقىرىمىز؛ كەينىدىن داغلاپ تەييارلىغان توخۇ گۆشىنى سېلىپ قورۇيمىز، ئەگەر رەڭگى دېگەندەك قىزارمىغان بولسا، ئازراق شىڭچوۋ جىياڭيۇسى قوتىۋەتسىڭىز بولىدۇ. ئاخىرىدا، مايدا داغلانغان خاسىڭدىن ئازراق قوشۇپ، بىر سىقىم ئاق كۈنجۈت سېپىۋەتكەندىن كېيىن، تەخسىگە ئۇسۇپ ئالسىڭىز بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号