ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

تۇرمۇش يىتەكچىسى

نۆۋەتتىكى ئورنىڭىز : 首页 » تۇرمۇش يىتەكچىسى » كۆكتاتلار
تەرخەمەكتە سۇغۇق سەي تەييارلاشتا دىققەت قىلىشقا تىگىشلىك ئىشلار
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-04-21كۆرۈلىشى : قېتىم
    تەرخەمەك، بىز دائىم ئىستىمال قىلىدىغان بىر خىل ئىشتىھانى ئاچىدىغان كۆكتات بولۇپ، تەمى ئۆزگىچە، ئۇزۇقلۇق تەركىبى مول. تەرخەمەك تەركىبىدە ۋىيتامىن Eمول بولۇپ، بەدەننىڭ مىتابولىزىمىنى ئىلگىرى سۈرۈپ، قېرىپ كىتىشنى ئاستىلىتىش رولىنى ئوينايدۇ. تەرخەمەك تەركىبىدىكى تالا ماددىلىرى بولسا، ئۈچەي يوللىرىنىڭ قىمىرلىشىنى ئىلگىرى سۈرۈپ، بەدەننىڭ مىتابولىزىمىنى تىزلىتىدۇ ھەمدە خولىستىرىننى تۆۋەنلىتىشتىمۇ بەلگىلىك رول ئوينايدۇ. ئۇنىڭ ئۈستىگە تەرخەمەك تەركىبىدىكى ئىنىرگىيە مىقدارى نىسبەتەن تۆۋەن بولغاچقا، ئۇرۇقلىتىش ئۈنۈمىمۇ يامان ئەمەس بولۇپ، يۇقىرى قان بېسىمى ۋە قاندىكى ماي تەركىبى يۇقىرى بىمارلارغا نىسبەتەن كۆڭۈلدىكىدەك يىمەكلىك دورىسى ھىسابلىنىدۇ.
    تەرخەمەكنى ئادەتتە پاكىزە يۇۋەتكەندىن كىيىن بىۋاستە ئىستىمال قىلىشقا، سۇغۇق سەي، قورۇما قورۇپ ياكى قاينىتىپ ئىستىمال قىلىشقىمۇ بولىدۇ. تەرخەمەكنى بىۋاستە ئىستىمال قىلغاندا، ھۆسىن گۈزەل لەشتۈرۈپ ئۇتۇقلىتىشقا پايدىلىق بولىدۇ؛ بۇندىن باشقا تەرخەمەكنىڭ شەربىتىنى يۈز تىرىمىزگە سۈرۈپ بەرسەك، تىرىنى قۇۋۋەتلەپ، داغ ۋە قورۇقچىلارنى سۇسلاشتۇرۇش ئۈنۈمىگە ئىرىشكىلى بولىدۇ.
    بىز ئادەتتە تەرخەمەكتىن سۇغۇق سەي تەييارلىغاندا، ئۇنى بىۋاستە توغرىغاندىن كىيىن خۇرۇچ ماتىرياللىرى بىلەن ئارىلاشتۇرۇپ تەييارلايمىز. بۇ ئۇسۇلدا، بەزىدە تەرخەمەككە تەم كىرمىگەنلىكىنى بايقايمىز. ئەمىلىيەتتە، ئۇنى بىۋاستە خۇرۇچ ماتىرياللىرى بىلەن ئارىلاشتۇرۇش خاتا؛ ئالدى بىلەن تەرخەمەكنى تۇزلاش كىرەك، بۇنىڭدا تۇز تەرخەمەككە سىڭىپ كىرىپ، تەرخەمەك تېخىمۇ چۈرۈك ھەم تەملىك بولىدۇ. تۆۋەندە، تەرخەمەكتىن سۇغۇق سەي ئارىلاشتۇرۇش كونكىرتنى ئۇسۇلنى بىرلىكتە كۆرۈپ باقايلى.
    ماتىريال: تەرخەمەك، قېرىنقولاق، زەنجىۋىل، سامساق، تۇز، ئاچچىقسۇ، شىڭچوۋ جىياڭيۇسى، كۈنجۈت مېيى
كونكىرتنى تەييارلاش ئۇسۇلى
    1. تەرخەمەكنى يۇيۇپ پاكىزلاپ، ئۇنى تاختىغا قويۇپ چەيدو بىلەن ئۇرۇپ ئىزىۋەتكەندىن كىيىن توغراپ بىر قاچىغا ئالىمىز. قېرىنقولاقنى سۇغا چىلاپ كۆپتۈرگەندىن كىيىن، قازانغا ئازراق سۇ قۇيۇپ قاينىتپ، قېرىنقولاقنى بىر قاينىتىۋالىمىز؛ قېرىنقولاقنى قاينىتىپ بولغاندىن كىيىن ئۇنىڭ قولىمىزدا تىتىپ ئىشلىتىش ئۈچۈن ئېلىپ قويىمىز؛ سامساق بىلەن زەنجىۋىلنى چاناپ توغراپ تەييارلايمىز.
   2. تەرخەمەكنى ئارىلاشتۇرۇشقا ئالدىرماي، ئالدى بىلەن ئۇنى تۇز سۈيىگە 10مىنۇت ئەتراپىدا چىلاپ قويغاندىن كىيىن سۈيىنى تۆكىۋىتىپ، سامساق ۋە زەنجىۋىل چانالمىسى، قېرىنقولاقنى قوشىمىز؛ كەينىدىن مۇۋاپىق مىقداردا ئاچچىقسۇ، شىڭچوۋ جىياڭيۇسى، تۇز ۋە كۈنجۈت مېيى قوشۇپ ئارلاشتۇرغاندىن كىيىن ئىستىمال قىلساق بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号