قىزىل تۇرۇپ، كىرىست گۈللۈكلەر ئائىلىسىدىكى تۇرۇپ ئۇرۇقدېشىغا تەۋە بولۇپ، تۇرمۇشىمىزدا ئەڭ كۆپ ئۇچرايدىغان كۆكتاتلارنىڭ بىرى. قىزىل تۇرۇپنى خام ئىستېمال قىلىشقىمۇ، پىشۇرۇپ ئىستېمال قىلىشقىمۇ بولىدۇ.
   خەنزۇچە ئاتىلىشى: 红萝卜
   باشقىچە ئاتىلىشى: شەرقى شىمال تۇرۇپى
   تەۋەلىكى: ئۆسۈملۈكلەر دۇنياسى—يېپىق ئۇرۇقلۇق ئۆسۈملۈكلەر تىپى—قوش پەسىللىك ئۆسۈملۈكلەر سىنىپى—كىرىست گۈللۈكلەر ئەترىتى—كىرىست گۈللۈكلەر ئائىلىسى—تۇرۇپ ئۇرۇقدىشى

ئۇزۇقلۇق تەركىبى
   ھەر يۈز 100 گىرام قىزىل تۇرۇپ تەركىبىدە، تەخمىنەن 20 كىلوكالورىيە ئېنېرگىيە، 1 گىرام ئاقسىل، 0.1 گىرام ياغ، 3.8 گىرام كاربون سۇ بىرىكمىلىرى، 0.8 گىرام يېمەكلىك تالا ماددىسى، 0.5 مىكرو گىرام كاروتىن، 93.8 مىكروگىرام رېتىنول، 0.05 مىللىگىرام ۋىتامىن B1، 0.02 مىللىگىرام ۋىتامىن B2، 0.1 مىللىگىرام نىكوتىنىك كىسلاتا، 3 مىللىگىرام ۋىتامىن C، 1.2 مىللىگىرام ۋىتامىن E، 110 مىللىگىرام كالىي، 62.7 مىللىگىرام ناترىي، 11 مىللىگىرام كالتسىي، 16 مىللىگىرام ماگنىي، 2.8 مىللىگىرام تۆمۈر، 0.06 مىللىگىرام مانگان، 0.69 مىللىگىرام سىنىك، 26 مىللىگىرام فوسفور قاتارلىق ماددىلار بار.
ئىستېمال قىممىتى
   قىزىل تۇرۇپنىڭ راكقا قارشى تۇرۇپ راكنىڭ ئالدىنى ئېلىش، يەللىك بوغۇمغا قارشى تۇرۇش، قان بېسىمىنى تۆۋەنلىتىش، ھەزىم قىلىشقا ياردەملىشىش، ھۆتەلنى توختىتىپ بەلغەمنى بوشىتىش، بەدەندىكى زەھەرلەرنى ھەيدەپ ھۆسىن گۈزەللەشتۈرۈش قاتارلىق ئۈنۈملىرى بار.