شاپتۇل ئۆسۈملۈك مىۋىسىگە تەۋ، ئېتى شەربەتلىك كىلىدۇ، دەرەختىن ئۈزۈپ خام پېتى يىيىشكە ياكى شاپتۇل قېقى، كونسىرۋا قاتارلىقلارنى تەييارلاپ ىستېمال قىلىشقا بولىدۇ.
   خەنزۇچە ئاتىلىشى: 桃
   لاتىنچە ئاتىلىشى: Amygdalus persica L.
   تەۋەلىكى: ئۆسۈملۈكلەر دۇنياسى—يېپىق ئۇرۇقلۇق ئۆسۈملۈكلەر تىپى—قوش پەللىلىك ئۆسۈملۈكلەر سىنىپى—ئىپتىدائىي گۈللۈكلەر كەنجى سىنىپى—ئەتىرگۈل ئەترىتى—ئەتىرگۈل ئائىلىسى—شاپتۇل ئۇرۇقدىشى
   نام بەرگۈچى:  L.Batsch 
   نام بىرىلگەن ۋاقىت: 1832-يىلى
   ئېنگېلىزچە ئاتىلىشى: Peach

ئۇزۇقلۇق تەركىبى
   ھەر 100 گىرام شاپتۇل تەركىبىدە، تەخمىنەن 39 كىلوكالورىيە ئېنېرگىيە، 0.9 گىرام ئاقسىل، 0.2 گىرام ياغ، 0.1 گىرام كۆپلەمچى تويۇنمىغان ياغ كىسلاتاسى، 0.1 گىرام بىرلەمچى تويۇنمىغان ياغ كىسلاتاسى، 9.5 گىرام كاربون سۇ بىرىكمىلىرى، 8.4 گىرام شېكەر، 1.5 گىرام تالا ماددىسى، 4 مىكروگىرام فولىن كىسلاتاسى، 9 مىللىگىرام ماگنىي، 20 مىللىگىرام فوسفور، 190مىللىگىرام كالىي، 6 مىللىگىرام كالتسىي، 0.2 مىللىگىرام تۆمۈر، 0.17 مىللىگىرام سىنىك، 16 مىكروگىرام ۋىتامىن A، 0.02 مىللىگىرام ۋىتامىن B1، 0.03 مىللىگىرام ۋىتامىن B2، 0.81 مىللىگىرام نىكوتىنىك كىسلاتا، 0.03 مىللىگىرام ۋىتامىن B6، 6.6 مىللىگىرام ۋىتامىن C، 0.73 مىللىگىرام ۋىتامىن E، 2.6 مىكروگىرام ۋىتامىن K بار.
ئاساسلىق قىممىتى
   شاپتۇلنىڭ ئۆمۈر مىۋىسى دېگەن نامى بار بولۇپ، كىشىلەر تەرىپىدىن "ئالەمدىكى بىرىنچى مىۋە" دەپ نام بىرىلگەن. شاپتۇل تەركىبىدە ئاقسىل، ياغ، يېمەكلىك تالا، كالتسىي، كالىي، ھەر خىل ۋىتامىن قاتارلىق كۆپ خىل ئۇزۇقلۇق ماددىلار بار. بۇندىن باشقا، شاپتۇل يىلىمىنى يەملىگۈچى ئورنىدا ۋە تاتلىق يېمەكلىكلەرنى ئىشلەپچىقىرىش ئۈچۈن ئىشلىتىلىدۇ، ئىستېمال قىلىشقا ھەم دورىلىق ئورنىدا ئىشلىتىشكە بولىدۇ.