بۆدۈنىنىڭ بەدەن ئۇزۇنلۇقى 18 سانتىمىتىر ئەتراپىدا كىلىدىغان بولۇپ، جىسمى كىچىك ھەم يۇمىلاققا مايىل كىلىدۇ. بۆدۈنە ياۋرۇپا، ئافرىقا ۋە ئاسىيا ئەللىرىگە تارالغان؛ دۆلىتىمىزدە بولسا، شىنجاڭنىڭ غەربى قىسمىدىكى يەكەن قاتارلىق جايلاردىن شەرقى قىسمىدىكى لوپنۇر كۆلىگىچە بولغان ئارلىقتا كۆپىيىپ، شىزاڭنىڭ جەنۇبى ۋە شەرقى جەنۇبى قىسىملىرىدا قىشلايدۇ.
خەنزۇچە ئاتلىشى: 鹌鹑
لاتىنچە ئاتىلىشى: coturnix
تەۋەلىكى: ھايۋاناتلار دۇنياسى—خوردىلىق ھايۋانلار تىپى—ئۇمۇرتقىلىق ھايۋانلار كەنجى تىپى—قۇشلار سىنىپى—ھازىرقى قۇشلار كەنجى سىنىپى—توخۇسىمانلار ئەترىتى—قىرغاۋۇل ئائىلىسى—بۆدۈنە ئۇرۇقدىشى

ئۇزۇقلۇق قىممىتى
    تىبابەت ساھاسىدە، بۆدۈنە گۆشى ئۇزۇقلۇق يىتىشمىگەن، ماغدۇرى كەمچىل، قان ئازلىق كىسىلى بار ھەم بېشى قېيىش، بۆرەك ياللۇغى ۋە ئىششىقى، ئىچى سۈرۈش، يۇقىرى قان بېسىم، سېمىزلىق، ئارتىرىيە قېتىشىش قاتارلىق كىسەللىك ئالامەتلىرى بار بىمارلارنىڭ ئىستىمال قىلىشىغا ماس كىلىدۇ.
   بۆدۈنە گۆشى تەركىبىدىكى لېتسىتېن ئىرىشچان فوسفاتىدلىق ياغلارنى ئىشلەپچىقىرالايدىغان بولۇپ، كىچىك قان پىلازمىلىرىنىڭ يېغىلىۋىلىشىنى توسۇش رولىنى ئوينايدۇ ھەمدە بۇ ئارقىلىق قان نۆكچىسى شەكىللىنىشنى توسۇپ، قان تۇمۇر دىۋارلىرىنى قوغدايدۇ ۋە ئارتىرىيە قېتىشىشنىڭ ئالدىنى ئالىدۇ. فوسفاتىدلىق ياغلار بولسا يۇقىرى دەرىجىلىك نىرۋا ھەرىكىتىدە كەم بولسا بولمايدىغان ئۇزۇقلۇق ماددا بولۇپ، مىڭىنى ساغلاملاشتۇرۇش رولى بار.