1.  زىيادە غەم يىيىش

    تولا غەم يەيدىغان ئاياللار ئاسانلا قېرىپ كىتىدۇ ، بۇ جۈملە سۆز ناھايىتى توغرا ئېيتىلغان ؛ ئاياللار كۆپىنچە ھاللاردا ، ئەرلەرگە قارىغاندا ئائىلىگە بەكرەك كۆڭۈل بۈلىدىغان بۇلۇپ ، بىر تەرەپتىن ئۆينىڭ چىقىمى ، ئامانەت قويغان پۇلىنىڭ ئاز كۆپلىكى ئۈچۈن غەم يىسە ، يەنە بىر تەرەپتىن بالىنىڭ ئۈگىنىش ئەھۋالى ۋە چوڭ بولغاندا ياخشى خىزمەت تېپىش تاپالماسىلىقى توغرىسىدا غەم يەيدۇ ؛ ئەمما تولا غەم يەيدىغان ئاياللارنىڭ كۈنى ئۇنچە بەك ياخشى ئۆتمەيدۇ .

   ئاياللار ئۆيدە تىرىشىپ ئۆي تۇتىدۇ ، ئەرلەر تېخى ئاياللارنىڭ بۇنىڭ ئۈچۈن تۆلىگەن بەدەللىرىنى چۈشەنمەيدۇ ، تاماق ۋاقتى ئازراق كەينىگە كىتىپ قالسا ئاياللارنى ھۇرۇنلۇق قىلدى دەيدۇ ؛ ئاياللار ئۇزۇن مەزگىللىك ئۆي ئۈچۈن جاپا چىكىش ۋە ھەر تەرەپلەردىن غەم يىيىش سەۋەبىدىن ئاسان چىرايىدىن كىتىپ قالىدۇ ، ئەمما ئەرلەر ئۇلارنى  قېرى مەزلۇمە دەپ ئاھانەت قىلىدۇ ، ئۇلار بىلەن بىرلىكتە سىرتلارغا چىقىشنى خالىمايدۇ ؛ ھەتتا بەزى تاشيۈرەك ئەرلەر ئاياللارنىڭ غەم يىيىشىنى كوتۇلدىغانلىق دەپ بىلىپ ، ئاياللار ئۇلارغا ھاراقنى ئاز ئىچىش ، ماشىنىنى ئاستا ھەيدەش ، بىخەتەرلىككە دىققەت قىلىش توغرىسىدا جىكىلىسە ، ئەرلەر بۇلارنى ئاڭلاپ مىننەتدار بولمايلا قالماستىن بەلكى زىرىكىش ھىس قىلىدۇ .

2.  زىيادە ئىشچان بۇلۇش  

    ياتلىق بولغاندىن كىيىن ، ئاياللار ئۆي ئىشلىرىنىڭ ھەممىنى ئۆز ئۈستىگە ئالىدۇ ؛ كىيىملەرنى يۇيۇش ، تاماق ئىتىپ تازىلىق قىلىش قاتارلىقلارنىڭ ھەممىسى ئاياللارنىڭ زىممىسىگە ئارتىلىدىغان بۇلۇپ ، ئىنچىكىرەك ھىسابلىغاندا ئاياللارنىڭ قىلغان ئۆي ئىشلىرى ئەرلەرنىڭ قىلغان خىزمىتىدىن ئاسان ئەمەس ؛ ئەمما ئاياللار ئۆيدە بەك تىرىشچان بۇلۇپ كەتسە ، قېيىنئانا ۋە ئىرىنىڭ نەزىرىدە " ئەسلىدىنلا مۇشۇنداق بۇلۇشقا تىگىشلىك " كە ئۆزگىرىپ ، ئاياللارنىڭ ئۆي ئىشلىرىنى قىلىشىنى ئاياللارنىڭ مەجبۇرىيىتى دەپ قارايدۇ .

    قايسى بىر كۈنى ئەگەر ئاياللار زۇكام بۇلۇپ قالسا ، ئۇلارغا كۆڭۈل بۆلىدىغان ئادەم بولمايدۇ ، كىيىملەر يەنىلا ئاياللارنىڭ  يۇيىشى ئۈچۈن ساقلىنىپ يېغىپ قويۇلىدۇ ؛ بىر ئائىلە كىشىلىرى ئايال كىشىنىڭ تاماق ئىتىشىنى ساقلاپ ئاچ ئولتۇرىدۇ . ئەگەر ئاياللار مىجەزى يوق تاماق ئەتكۈسى كەلمىسە ، قېينئانىسىنىڭ تىل-ئاھانىتىگە ئۇچرايدۇ . شۇڭلاشقا ئاياللار بەك ئىشچان بۇلۇپ كەتسە ، ئۆزىنىڭ سالامەتلىكىگە تەسىر يەتكۈزۈپلا قالماي ، يەنە ئائىلىدىكى باشقىلارنى تەييارتاپ قىلىپ قويىدۇ .

3.   مىسكىن يۈرۈش ، ئوي-خىيالى كۆپ بۇلۇش

   توي قىلغاندىن كىيىن ئاياللارنىڭ ئويلىشىدىغان ئىشى بەك كۆپ بۇلۇپ ، ئىرىگە سۆزلەپ بەرمەكچى بولغىنىدا ، ئىرى ھەر قېتىم چارچاپ كەتكىنىنى باھانە قىلىپ ، قايتىپ كىلىپلا ئۇيقۇغا كىتىدۇ . بۇنداق ۋاقىتلاردا ئاياللار ئاسانلا مىسكىنلىككە چۆكۈپ قالىدىغان بۇلۇپ ، ئۆزىنى ناھايىتى تەنھا ھىس قىلىدۇ ، ئىرىنىڭ ئۆزىنى ياخشى كۆرمەيدىغان بۇلۇپ قېلىشىدىن ئەنسىرەيدۇ ؛ بالىنىڭ ئۆگىنىش نەتىجىسىنىڭ تۆۋەنلەپ كىتىشىدىن ئەنسىرەيدۇ؛ ئائىلە كىرىمىنىڭ تۆۋەنلەپ كىتىشىدىن ئەنسىرەيدۇ ؛ ئۆيدىكىلەرنىڭ كىسەل بۇلۇپ قېلىشىدىن ئەنسىرەيدۇ ، ئويلايدىغىنى كۆپەيگەنسىرى  كىچىلىرى ئۇخلىيالمايدۇ .

   ئوي-خىيالى كۆپ ئايال كىشىنىڭ كەيپىياتى ھەمىشە بىنورمال بۇلۇپ قېلىپ ، سەۋەپسىزلا خاپا بۇلۇپ قالىدۇ ، ئۆزىنى ئۇۋالچىلىققا ئۇچرىغاندەك شۇنداقلا ناھايىتى ھارغىنچىلىقتا ياشاۋاتقاندەك ھىس قىلىدۇ ؛ ئەكسىچە بىر ئىشلارغا ئۇنچە بەك پەرۋا قىلىپ كەتمەيدىغان ئاياللار كۆڭۈل ئازادىچىلىگىدە ياشايدۇ .

   ئاياللار تويدىن كىيىنكى تۇرمۇش جەريانىدا  بەك يۇمشاق بۇلۇپ كەتمەسلىگى ، بەك قاتتىق قول بۇلۇپمۇ كەتمەسلگى لازىم ؛ ئۆزى قىلىشقا تىگىشلىك  بولغانلىرىنى ئۆزى قىلىشى ، ئۆزىگە چوڭ بېسىم ئارتىۋالماسلىقى ، ئىرىنىڭ ئۆيىدىكىلىرىگە خوشامەت قىلىش ئۈچۈن ياشىماسلىغى كىرەك ؛ بولمىسا زىيادە پەس قىياپەتتە تۇرسىڭىز ، بوزەك قىلىنىپ ھاياتى ھارغىنچىلىقتىلا ئۆتىدۇ .

ئەسكەرتىش : تور بىكىتىمىزدىكى ئەسەرلەرنىڭ ئاپتور ھوقۇقى شىنجاڭ تەمزات مەدەنىيەت تارقىتىش چەكلىك شىركىتىگە تەۋە بۇلۇپ، رۇخسەتسىز كۆچۈرۈپ ئىشلەتكەنلەرنىڭ قانۇنى مەسئۇلىيىتى سۈرۈشتە قىلىنىدۇ!

友情提示：作品版权归新疆塔穆扎提文化传播有限公司所有，抄袭转载者必究法律责任！