جاڭ ئەيلىڭ ئىلگىرى مۇنداق دىگەن : بەلكىم مۇھەببەت قىزغىنلىق ۋە ئەسلەش بولماستىن ، يىللار بۇلۇشى ، يىللارنىڭ ئۆتۈشى بىلەن تۇرۇمۇشنىڭ بىر قىسمىغا ئايلىنىپ قېلىشى مۇمكىن . مۇھەببەت مەلۇم بىر دەرىجىگە يەتكەندە بىربىرىنىڭ ئۆزگەرتەلمەيدىغان ئادىتىگە ئايلىنىپ قالىدۇ ، ۋاز كىچەلمەيدۇ ياكى ئۇنتۇيالمايدۇ . شۇڭلاشقا ، مۇھەببەت كىشىگە ئىلىپ كەلگەن ئۆزگىرىش ناھايىتى كۈرنەرلىكتۇر . ئىككى ئادەم بىرگە بولغاندا ئەر كىشى سىزنى ياخشى كۆرگەنسىرى ، تۆۋەندىكى ئۈچ ۋاقىتتا سىزنى ئۇنتۇپ قالمايدۇ !

1.    سىلەر ئايرىلىپ تۇرۇۋاتقان ۋاقىتتا

     نۇرغۇن كىشىلەر ئىككى جايدا تۇرۇپ مۇھەببەتلىشىش ئاشىق مەشۇقلارنىڭ ئۆتمىكى ئەڭ قىيىن بولغان ئۆتكىلى دىيىشىدۇ ؛ ئىككى جايدا ئايرىلىپ تۇرۇپ ۋاقتى ۋاقتىدا يۈز كۈرۈشەلمەسلىك ، بۇ مۇھەببەتلىشىۋاتقان ئىككى تەرەپكە نىسبەتەن ناھايىتى زور بىر سىناق . ئەمما سىزنى ھەقىقى ياخشى كۈرىدىغان بىر ئەر كىشى ، سىلەر ئايرىلىپ تۇرۋاتقان ۋاقتىڭلاردا سىزنى تېخىمۇ ئۇنتۇپ قالمايدۇ .

      سىلەر بىرگە ئەمەس ۋاقتىڭلاردا ئۇ ھەرۋاقىت سىزگە ئۇچۇر قىلىپ ،نىمە قىلىۋاتقىنىڭىزنى سورايدۇ ؛ ئۆزىڭىز يالغۇز بىخەتەرلىككە دىققەت قىلىشنى توختىماي جىكىلەيدۇ ؛ سىزنىڭ يەنە ۋاقتىدا تاماق يىيىشىڭىزنى ، بالدۇر ئارام ئېلىشىڭىزنى تاپىلايدۇ .... چۈنكى ھەر ۋاقىت سىزنى كۆڭلىدە ساقلىغانلىقى ۋە ئەزەلدىن ئەستىن چىقىرۋەتمىگەنلىك سەۋەبىدىن ، سىلەر ئايرىلىپ تۇرغان ۋاقىتتا ئۇ سىزنىڭ ياخشى تەرەپلىرىڭىزنى تېخىمۇ بەك چۈشىنىپ يىتىپ ، سىزنى تېخىمۇ قەدىرلەيدۇ ۋە سېغىنىدۇ .

2.    سىز ئازاپلانغان ، ياردەمسىز قالغان ۋاقىتتا

      دوست ئېغىر كۈنلەردە سىنىلىدۇ . بۇ بىر جۈملە سۆزنى ھەرقانداق ۋاقتىتا نەقىل كەلتۈرۈشكە بۇلىدۇ ؛بۇلۇپمۇ مۇھەببەتتە بىر ئادەمنىڭ ھەقىقى قىياپىتىنى بىلگىلى بۇلىدۇ . شۇنداق ، تۇرمۇش ھەمىشە ئوڭۇشلۇق ئۆتىۋەرمەيدۇ ، سىز ئەتىنىڭ ياكى تاسادىبىلىقنىڭ قايسىسىنىڭ ئاۋال يىتىپ كىلىدىغىنىنى مەڭگۈ بىلەلمەيسىز . بىر ئەر كىشى ئەگەر سىزنى ياخشى كۆرسە ،سىز كۆڭلىڭىز ئازار يەپ ياردەمسىز قالغان ۋاقتىڭىزدا سىزگە ھەمراھ بۇلىدۇ .

      ئەگەر سىز خىزمەت جەھەتتىن قىيىنچىلىققا ئۇچرىسىڭىز ، ئۇ سىزگە " ھېچقىسى يوق ، سىزنى ئۆزۈم باقىمەن " دەيدۇ ياكى سىزگە ھەل قىلغۇچ تەكلىپ پىكىرلەرنى بىرىدۇ ؛ ئەگەر سىزنىڭ تۇرمۇشىڭىزدا بىرەر تاسادىبىلىك كۈرۈلسە ، ئۇ بىرىنچى ۋاقىتتا سىزنىڭ قېشىڭىزغا يۈگرەيدۇ ، ۋە سىزگە " قورقماڭ ، ھەر نىمە بولسا مانا مەن بار " دەيدۇ . ئۇ سىزگە ئىتىبار بەرگەنلىك سەۋەبىدىن ، ئەتراپىڭىزدىكى ھەر بىر ئىش ۋە نەرسىگە ئىتىبار بىلەن قارايدۇ ؛ سىزنى بىر ياندا تاشلاپ قويۇشقا جۈرئەت قىلالمايدۇ ھەم خالىمايدۇ ، پەقەت مەڭگۈ سىز بىلەن بىرگە بۇلۇشنى ۋە ئۆزىنىڭ ئاشۇ سىزگە يۈلەنچۈك بولالايدىغان ئەر ئىكەنلىكىنى ئىسپاتلاشنىلا ئويلايدۇ .

3.    تۇرمۇشۇڭلار بارغانسىرى ياخشىلىنىپ كىتىپ بارغان ۋاقىتتا

     نۇرغۇن كىشىلەر بىر ئەر كىشىنىڭ سىزنى ھەقىقى ياخشى كۈرىدىغان ياكى كۆرمەيدىغانلىغىغا ھۆكۈم قىلىشتا ، ئۇ ئەركىشىنىڭ تەرەققى تاپقان ۋاقتىدا سىزگە بولغان مۇئامىلىسى بۇرۇنقىغا ئوخشاش ياكى ئەمەسلىكىگە قارىساق بىلگىلى بۇلىدۇ دىيىشىدۇ . ئەمىلىيەتتە مەيلى ئەر ياكى ئايال بولسۇن ، تۇرمۇشىنىڭ بارغانسىرى ياخشى بۇلۇپ كىتىشىنى ، ئۆزىنىڭ بىرە ئىشنى باشقا ئېلىپ چىقالىشىنى ئۈمىد قىلىدۇ .

    ئەگەر كۈنلەرنىڭ بىرىدە سىز ياخشى كۆرگەن ئۇ ئەر ئىلگىرىكى ھېچنىمىنى بىلمەي يۈرىدىغان يىگىتتىن ھازىرقى پىشىپ يىتىلگەن ، بايلىقى كۆپىيىپ قالغان ، ئالدىراش ھەم تېخىمۇ جەلىپكارلىققا ئىگە بولغان ھالەتكە ئۆزگەرگەن ۋاقتىدا ، ئۇ مەيلى قانچىلىك قىممەت كىيىملەرنى كىيىپ ئىسىل نازى نىمەتلەرنى يىيىشى ، قانچىلىك كۆپ زاكاسلارنى قۇبۇل قىلىش ، قانچىلىك مۇنەۋۋەر كىشىلەرنى تۇنۇپ كىتىشى ......دىن قەتئىنەزەر ، ئۇ سىزنى ئۇنتۇپ قالمايدۇ ، ھەم جۈرئەتمۇ قىلالمايدۇ ، چۈنكى مەيلى ئۇ نەلەرگە بارمىسۇن ، نىمىلەرنى قىلمىسۇن ،سىزنىڭ قوينىڭىز ئۇنىڭغا نىسبەتەن مەڭگۈ تىگىشكىلى بولمايدىغان ئۇۋا ، سىز ئۇنىڭغا نىسبەتەن مەڭگۈ سۈيىدىغان مەشۇقى .

     ھەر ۋاقىت سىزنى كۆڭلىدە ئويلاپ يۈرگەنلىكتىن ، ئۇ سىزنى ئەزەلدىن ئۇنتۇپ قالمايدۇ ، مانا بۇ ئۇنىڭ سىزگە بولغان  كۆڭلىنىڭ ئەڭ چوڭقۇر قېتىدىكى ، سەمىمى مۇھەببىتىدۇر .

ئەسكەرتىش : تور بىكىتىمىزدىكى ئەسەرلەرنىڭ ئاپتور ھوقۇقى شىنجاڭ تەمزات مەدەنىيەت تارقىتىش چەكلىك شىركىتىگە تەۋە بۇلۇپ، رۇخسەتسىز كۆچۈرۈپ ئىشلەتكەنلەرنىڭ قانۇنى مەسئۇلىيىتى سۈرۈشتە قىلىنىدۇ!

友情提示：作品版权归新疆塔穆扎提文化传播有限公司所有，抄袭转载者必究法律责任！