قاش شەكلى ئېقىمىنىڭ يۈزلىنىشى ئىزچىل تۈردە توم ئىنچىكىلىكى ۋە تۈز ئەگرىلىك ئارىسىدا توختىماي ئۆزگىرىشى جەھەتتە بۇلۇپ،كورىيەچە بىر سىزىق شەكىلدىكى قاش گەرچە بىر مەزگىل داڭ چىقارغان بولسىمۇ،ئەمما بۈگۈنكى كۈندە مودىدىن قالدى!

    بۇ يىل يازدىكى مودا كىيىم ھەپتىلىكىدە ، تەبىئى ئەمما يېقىشلىق گۈزەللىككە ئىگە "كىچىك ئېقىن قېشى"،ئاللىقاچان نۆۋەتتىكى ئەڭ مودا بولغان قاش شەكلىگە ئايلاندى.

   ھازىر ھەممىدىن داڭ چىقارغان ياش ئايال چولپانلار ھەممىسى ئاستاغىنە كىچىك ئېقىن قاش شەكلىنى ئالماشتۇرۋالدى...

   سۇڭ چىيەن،ئوۋنى ئەزەلدىن قېشىنى سىزىشتا خاتالىشىپ سالمايدىغان چولپانلار بۇلۇپ،يېقىندا ئۇلار ئۇرۇق كەلگەن چىراي شەكلى ۋە كىچىك ئېقىن قېشى شەكلىدە سىزىلغان قاش شەكلى بىلەن قىزىق نوقتىغا ئايلاندى.سۇڭ چىيەن،ئوۋنىلارنىڭ قاش شەكلىنىڭ ئۇزۇن قىسقىلىقى،قاش چوققىسىنىڭ ئىگىز پەسلىكى دەل جايىدا كەلگەن بۇلۇپ،ئەڭ تىز سۈرئەتتە بەش ئەزايىڭىزنىڭ نىسبىتىنى تەڭشەپ،چىراي شەكلىڭىزنى ئوڭشاشقا پايدىلىق كىلىدۇ،سىرىق تەنلىك قىزلار كونتىرول قىلالمايدىغان دەرىجىدە مۇبالىغە شەكلىدە بۇلۇپمۇ كەتمەيدۇ .

    سۇڭ چىيەننىڭ قاشلىرىنى ئىنچىكىلىك بىلەن كۈزەتسەك،چىرايى گۈزەل كەلگەنلەرنىڭ ھەممىسىدە بىر ئوخشاشلىقنىڭ بارلىقىنى بىلەلەيمىز — يەنى قاشنىڭ كەڭلىكى بىر سانتىمىتىر ئىچىدە بولسا ئەڭ مۇۋاپىق بۇلىدىغان بۇلۇپ،بەك كەڭرى بۇلۇپ كەتسە شەكلى يوقتەك كۆرىنىدۇ .

   جاۋلىيىڭ بېيجىڭ كىنو بايرىمىغا قاتناشقان ۋاقتىدا،چاچ پوسۇنى ناھايىتى يارىشىملىق كەلگەن بۇلۇپ،ناھايىتى ئوماق كۈرۈنەتتى.ئۇنىڭ كىچىك ئېقىن شەكلىدە سىزىلغان قېشى،ئۇنىڭ چىرايىنى ئۇرۇق كۆرسىتىپلا قالماستىن،ئۇنىڭ چاچ پوسۇنىغا ماسلىشىپ،يېشىنى تېخىمۇ كىچىك كۆرسىتىدىغان ئۈنۈم ھاسىل قىلغان!

   تاڭ يەن لوجىن بىلەن بولغان ئاشىق-مەشۇق مۇناسىۋىتىنى ئاشكارىلىغاندىن بويان،تېخىمۇ گۈزەل بۇلۇپ كەتتى.تەبىئى ھالدا كىچىك ئېقىن شەكلىدە سىزىلغان قېشى ئۇنىڭ گىرىم ھالىتىنى تېخىمۇ گۈزەل ۋە جەلىپكار قىلدى .

   ماسىچۈن "ئالتۇن ئات كىنو خانىشى" تاجىسىنى كەيگەندىن كىيىن،تېخىمۇ ئۆزىگە ئىشىنىدىغان بۇلۇپ كەتتى؛تەسىر كۈچىمۇ زورىيىپ ھەرخىل ئۆزگىرىشلەرگە تاقابىل تۇرالايدىغان بولدى.

   لۇ خەننىڭ تۇغۇلغان كۈنىدە ماسىچۈن كالتا چاچ چۈشكەن سۈرىتىنى تورغا چىقارغان بۇلۇپ، قارىماققا چىراي شەكلى لۇ خەننىڭكىگە ئوخشاپ كىتىدىغاندەك قىلاتتى.

   لۇخەننىڭكىگە ئوخشاش قاش سىزىۋالغان بۇلۇپ،ھەر ئىككىسىنىڭ چىراي گۈزەللىك كۆرسەتكۈچى ناھايىتى يۇقىرى كۈرۈنەتتى.

   سىز بايقىدىڭىزمۇ يوق؟ماسىچۈننىڭ بۇنداق كىلىشكەن،مەپتۇن قىلارلىق بۇلۇپ كىتىشىدىكى سەۋەب دەل ئۇنىڭ كىچىك ئېقىن شەكلىدە سىزغان قاش شەكلىدە!

"كىچىك ئېقىن قاش شەكلى" دىگەن نىمە؟

   ئاددى قىلىپ ئېيتقاندا خۇددى تۇغۇلۇشىدىنلا شۇنداق بولغانغا ئوخشاش،تەبىئى قۇيۇق كەلگەن قاش بۇلۇپ،كورىيەچە بىر سىزىق شەكلىدىكى قاش شەكلىگە قارىغاندا كىشىگە بىرىدىغان ياساپ تۈزىگەنلىك تۇيغۇسى ناھايىت ئاز بۇلۇپ ، قاش شەكلى ئۆزىنىڭ ئەسلىدىكى تۇغۇلما قاش شەكلىگە تېخىمۇ يېقىن كىلىدۇ؛بۇنىڭ بىلەن بىرگە تولۇپ كەلگەن كىچىك ئېقىنلار سىزنىڭ قاش گىرىمىڭىزنى تېخىمۇ تەبىئى كۆرسىتىدۇ،تۇغۇلۇشىدىن قېشى شالاڭ كەلگەنلەرمۇ كىچىك ئېقىن قېشىغا تايىنىپ قاش شەكلىدىكى كەمچىلىكنى يوقىتالايدۇ.

   كىچىك ئېقىن قاش شەكلى ئۆزىنىڭ تەبىئى كەلگەنلىگىدەك بۇ ئالاھىدىلىكىگە تايىنىپ،سەنئەت ساھەسىدىكى مودا قاش شەكلىگە ئايلانغان بۇلۇپ،چىراينى گۈزەللەشتۈرۈش ئۈنۈمى كىچىك تىپتىكى ھۆسىن تۈزەش ئوپراتسىيىسىگە يىتىشىپ قالىدۇ.

كىچىك ئېقىن قاش شەكلى قانداق سىزىلىدۇ؟

    تەبىئى كەلگەن كىچىك ئېقىن شەكلىدىكى قاش سىزىشتا ھالقىلىق بولغىنى،ئاستا-ئاستا بىر تالدىن سىزىشتۇر.

   قاش قۇيرۇق تەرىپىنى سىزغاندا تۆۋەنگە قارىتىپ سىزىشنى ئۇنۇتماسلىقىمىز لازىم؛قاش ئۇچىنى سىزغاندا تېخىمۇ ئىھتىيات قىلىش كىرەك بۇلۇپ،چوقۇم يىنىك سىزىشىمىز،ھەرگىز بىر تۇتقانچە بېسىپ ئاخىرىغا ئاپىرىۋەتمەسلىكىمىز لازىم،بولمىغاندا قېشىڭىز قاپقار بىر تۈز سىزىق كۆرۈنۈپ قېلىپ بىرخىل قاتمال تۇيغۇ بىرىپ قويىدۇ.تۆۋەندە بىر تەپسىلى سىزىش ئۇسۇلىنى كۆرۈپ باقايلى:

    بىرىنچى قەدەمدە قاش شەكلىنى بىكىتىۋالىمىز؛ئالدى بىلەن قاشلىق قەلىمىدە مۇۋاپىق قاش شەكلىنى سىزىپ چىقىمىز.

    ئىككىنچى قەدەمدە قاش پىچىقى بىلەن قالايمىقان قاش تۈكلىرىنى رەتلەپ،قېشىمىزنى تېخىمۇ ئىنىق،تەبىئى قىلىمىز.

   ئۈچىنچى قەدەمدە قاشلىق قەلىمى بىلەن قاش شەكلىنىڭ يۆنىلىشىنى بويلاپ،قېشىمىزنىڭ قاتلاملىرىنى سىزىۋالىمىز.

   تۆتىنچى قەدەمدە قاش ئۇپىسى بىلەن قاش شەكلىمىزنى توشقۇزۇپ،مۇكەممەل بولغان قاش شەكلىمىزنى چىقىرىمىز.

   بۇ ۋاقىتتا تەبىئى كەلگەن كىچىك ئېقىن قېشى پۈتۈپ چىقىدۇ.يېڭىز سىزغان قېشىڭىزنى ئەسلىدىكىگە سېلىشتۇرۇپ باقسىڭىز،بۇرۇنقىدىن تېخىمۇ روھلۇق بۇلۇپ كەتكەندەك ھىس قىلدىڭىزمۇ؟

ئەسكەرتىش : تور بىكىتىمىزدىكى ئەسەرلەرنى رۇخسەتسىز كۆچۈرۈپ ئىشلەتكەنلەرنىڭ ئالاقىدار مەسئۇلىيىتى سۈرۈشتە قىلىنىدۇ!

!友情提示：未经许可抄袭转载者必究相关责任