مىنرالنى سۇ، سۈنئىي ئۇسۇلدا پىششىقلاپ ئىشلەنگەن ئىچىملىك بولۇپ، نۇرغۇنلىغان مىنرالنى ماددىلارنى ئۆز ئىچىگە ئالىدۇ؛ شۇڭا، مۇۋاپىق تۈردە مىنرالنى سۇ ئىتېمال قىلىش پايدىلىق. لېكىن، مىنرالنى سۇنى كۆپ ئىچكەندە بۆرەكنىڭ بېسىمىنى ئاشۇرىۋىتىدۇ ھەمدە بۆرەككە تاش چۈشۈش ۋە ئۆتكە تاش چۈشۈشنى كەلتۈرۈپ چىقىرىدۇ. ئۇنىڭ ئۈستىگە، ھەمىشە مىنرالنى سۇ ئىچىش، يەنە كالپۇكتا قورۇقچە پەيدا بولۇشنى كەلتۈرۈپ چىقىرىپ، تېرىنىڭ سۇ تەركىبىگە تەسىر يەتكۈزىدۇ؛ بىرلا ۋاقىتتا، مىنرالنى سۇنىڭ ئېغىزىنى ئاچقاندىن كېيىن، ئىككى كۈندىن ئارتۇق قويۇشقا بولمايدۇ، بولمىسا تەركىبىدە باكتىرىيە ۋىرۇسلار پەيدا بولىدۇ.

　　ئۇزۇن مەزگىل مىنرالنى سۇ ئىچىشنىڭ زىيانلىق تەرەپلىرى

　　1. ئالدى بىلەن، بىز دائىم ئىچىدىغان مىنرالنى سۇ، سۈنئىي ئۇسۇلدا ساپلاشتۇرۇلغان سۇ بولۇپ، ساپلاشتۇرۇش جەريانىدا بەدىنىمىزگە زۆرۈر بولغان بەزىبىر مىكرو ئىلمىنتلارنى سۈزۈپ چىقىرىۋىتىشتىن ساقلىنىپ قالغىلى بولمايدۇ. ئۇنىڭ ئۈستىگە، ئۇزۇن مۇددەت مىنرالنى سۇ ئىچىش ساغلام ئەمەس بولۇپ، ئادەمدە ئۆتكە تاش چۈشۈش ۋە بۆرەككە تاش چۈشۈشنى پەيدا قىلىدۇ.

　　2. ئۇزۇن مۇددەت مىنرالنى سۇ ئىچىش، كالپۇكىمىزدا ئاسانلا قۇرۇقچە پەيدا قىلىدۇ. مىنرالنى سۇ گەرچە ئىچىش قولايلىق بولسىمۇ، ئەمما دائىم بوتۇلكىلىق سۇ ئىچكەندە، ئاسانلا ئېغىزىمىز ئەتراپىدا قورۇقچىلارنى پەيدا قىلىدۇ. چۈنكى، بوتۇلكىدا سۇ ئىچكەندە، ئېغىزىمىزنى قايتا-قايتا يۇمىلاقلاپ ھەرىكەتلەندۈرىدىغان بولغاچقا، كالپۇك ئەتراپىدا چوڭقۇر قورۇقچىلارنى پەيدا قىلىدۇ.

　　3. ئىچىپ بولغاندىن كېيىن، مىنرالنى سۇ بوتولكىسىنى ياخشى بىتەرەپ قىلمىساق، مۇھىتنى بولغايدۇ.