يۈرەك زەئىپلىشىشنىڭ ئالدىنقى مەزگىللىرىدە، بىمار ئەركىن ھەرىكەت قىلالايدىغان ھەمدە خىزمەتنى نورمال داۋاملاشتۇرۇپ كېتەلەيدىغان بولغاچقا، كۆپىنچە كىشىلەرنىڭ نەزەردىن ساقىت قىلىشىغا ئۇچرايدۇ؛ بىراق، يۈرەك زەئىپلىشىشنى پۈتۈنلەي بايقاپ يەتكىلى بولمايدىغان ئەمەس. تۆۋەندىكى ئالامەتلەر، بىزنىڭ يۈرەك زەئىپلىشىشنى ۋاقتىدا بايقىشىمىزغا ياردەم قىلىدۇ.

　　1. كۈندىلىك ھەرىكەت مىقدارى ئازراق كۆپ بولۇپ قالسىلا، يۈرەك ئېغىش، كۆكسى سىقىلىش، نەپەسلىنىش قىيىنلىشىش قاتارلىق ئەھۋاللار كۆرۈلىدۇ.

　　2. كەچتە ئۇخلىغان ۋاقىتتا، ياستۇقنى ئېگىز قويۇپ ياتسا ئاندىن راۋان نەپەس ئالالىغاندەك ھېس قىلىدۇ؛ كېچىسى ئۇخلىغان ۋاقىتتا، تۇيۇقسىز كۆكسى سىقىلىپ نەپەس قىستايدۇ، ھەتتا نەپەسلىنەلمەي ئويغىنىپ كېتىدۇ.

　　3. قۇرۇق ھۆتلىدىغان ئەھۋاللار كۆرۈلۈپ، كۈندۈزى ياكى ئولتۇرغان ۋاقىتتا بۇ ئالامەت يىنىكرەك بولىدۇ، ئەمما كەچتە ياكى تۈز ياتقان ۋاقىتتا ئېغىرلايدۇ.

　　4. كۈندۈزى كىچىك تەرەت ئازلاپ، كېچىسى كۆپىيىدۇ ھەمدە بەدەن ئېغىرلىقى ئېشىش ۋە پۇتلىرى ئىششىش ھادىسىسى كۆرۈلىدۇ.