ئەتىگەنلىكى ئورنىمىزدىن تۇرغاندا، بوۋامنىڭ روھىي ھالىتى تازا ياخشى ئەمەس ئىدى. ئۇنىڭدىن نېمە بولغانلىقىنى سورىسام: «ئاخشام يېرىم كېچىدە پۇتۇمنىڭ پېيى تارتىشىپ ياخشى ئۇخلىيالمىدىم» دېدى. مومام دەرھال گەپكە ئارىلىشىپ: «قىزىمىز ئېلىپ بەرگەن كالتسىي تابلىتىنى ۋاقتىدا يېمىگەندىن كېيىن، ياخشى بولدىمۇ؟» دەپ كايىغىلى تۇردى، ئاپام ئۇنىڭغا ئۇلىشىپلا: «بەلكىم كالتسىي كەملىكتىن باشقا سەۋەبلەرمۇ بولۇشى مۇمكىن» دېدى. كۆپچىلىك مانا مۇشۇنداق ئۇ بىر ئېغىز بۇ بىر ئېغىزدىن سۆزلەپ، ئالدىراشچىلىققا تولغان سەھەرنىمۇ ئۆتكۈزۈۋالدۇق.

يېرىم كېچىدە پۇتنىڭ پېيى تارتىشىپ قېلىشى كالتسىي كەملىكتىن پەيدا بولىدۇ دېگەن سۆزنى كۆپ ئاڭلايمىز. ئەمەلىيەتتە بۇ پەقەت ئۇنىڭ ئىچىدىكى بىر ئامىل. دوختۇرلار مۇسكۇل سپازمىسىنى يەنە باشقا ئىككى سەۋەبنىڭ كەلتۈرۈپ چىقىرىدىغانلىقىنى ئېيتتى.

1. ۋىتامىن D نىڭ كەملىكى

ئەمەلىيەتتە ۋىتامىن D كالتسىي بىلەن بىر جۈپ ئاساسىي ئىلمىنېت بولۇپ، بەدىنىدە كالتسىي مىقدارى يېتەرلىك دوستلار بەلگىلىك مىقداردىكىVD نى تولۇقلىغاندا، كالتسىينىڭ سۈمۈرۈلۈشىنى ئۈنۈملۈك ئىلگىرى سۈرگىلى بولىدۇ. ئەگەر بەدەندە VD كەم بولسا، كالتسىينى قانچە تولۇقلىغان بىلەنمۇ بىكار. چۈنكى VD كەم بولسا، كالتسىي سۈمۈرۈلۈشكە ئامالسىز قالىدۇ، شۇڭا پەقەت بەدەندىن ئېقىپلا ئۆتىدۇ، شۇنىڭ بىلەن پۇتنىڭ پېيى تارتىشىشى تەبىئي ئىشقا ئايلىنىپ قالىدۇ.

ئەمەلىيەتتە ئالاھىدە يېمەكلىكلەر بىلەن VD نى ئاتايىتەن تولۇقلاش زۆرۈر ئەمەس، چۈنكى تەبىئىي يېمەكلىكلەردە ۋىتامىن D راستىنلا بەك ئاز. شۇڭا، سىزگە ئەڭ ئاددىي ئۇسۇل بىلەن يەنى ئاپتاپقا قاقلىنىشنى تەۋسىيە قىلىمىز. ئۇلتىرا بىنەپشە نۇر بەدەندىكى ۋىتامىن D نىڭ بىرىكىشىنى ئىلگىرى سۈرىدۇ. شۇڭا ئاز بولمىغان كالتسىي ماددىسىنى تولۇقلىغان ئەھۋال ئاستىدا، ھەر كۈنى ئاپتاپقا قاقلىنىش بەدەندە ۋىتامىننىڭ تولۇقلىنىشىنى كاپالەتكە ئىگە قىلىدۇ.

2. سوغۇق ئۆتۈپ قېلىش.

كۆپچىلىكنىڭ ھەممىسى ئادەم مۇزلىغان چاغدا ئاسانلا تىترەپ كېتىدىغانلىقىنى چوڭقۇر ھېس قىلىدۇ. بۇ چوڭ مېڭىنىڭ تارقاتقان بۇيرۇقى بولۇپ، مۇسكۇل تىترەش ئارقىلىق بەدەندە بەلگىلىك ئىسسىقلىق پەيدا قىلىپ، بەدەن تېمپېراتۇرىسىنى ساقلاشتىن ئىبارەت. بەدەننىڭ تىترىشى مۇسكۇل يىغىلىشنىڭ بىر خىل شەكلى. بۇ ۋاقىتتا سىزدە كالتسىي كەم بولسا، ئۇنداقتا كېچىدە ئۇخلاۋاتقاندا پەي تارتىشىش ئېھتىماللىقى شۇنچە يۇقىرى بولىدۇ.

ھەرىكەت ئىشلەشتىن بۇرۇن، تېرىنىر ھەمىشە ئاۋال بەدەن قىزىتىش كېرەكلىكىنى تەشەببۇس قىلىدۇ، بۇ دەل مۇشۇ قانۇنىيەت بولۇپ، بولمىسا ئاسانلا پەي تارتىشىپ قالىدۇ.