چىلىغان كۆكتات يىيىشنى ياخشى كۆرسەكمۇ، ئەمما تەييارلاش باسقۇچى بەك ئۇزۇن بولغانلىقتىن، بەزىدە قىلىشقا ئىرىنىپ قالىمىز؛ شۇنىڭ ئۈچۈن بۈگۈن بىز كۆپچىلىككە ، تەييار قىلىپ 24 سائەت ئىچىدە يىيىشكە بولىدىغان تەملىك بىر خىل چىلىغان كۆكتات تەييارلاش ئۇسۇلى ئېلىپ كەلدۇق! كىتەرلىك ماتىريال:
     كاللەك بەسەي، سەۋزە، قۇرۇتۇلغان قىزىلمۇچ، سوقۇلمىغان ئاق مۇچ، شىكەر، زەنجىۋىل، پۇراق يۇپۇرمىقى (香叶) ئۈچ تال، ئاق ئاچچىقسۇ، تۇز     1. ئالدى بىلەن قازانغا قۇرۇتۇلغان قىزىلمۇچ، پۇراق يۇپۇرمىقى، زەنجىۋىل، ئاقمۇچ، تۇز قاتارلىقلارنى مۇۋاپىق مىقداردا سېلىپ، ئۈستىگە سۇ قۇيىمىز.     2. قازاندىكى سۇنى رەڭگى سارغايغۇچە چوڭ ئوتتا قاينىتىمىز؛ سۇنىڭ رەڭگى سارغايغاندىن كىيىن، ئوتنى ئۆچۈرۈپ، پۇراق يۇپۇرمىقى بىلەن ئاقمۇچنى سۈزۈۋىلىپ، قالغىنىنى سۇۋۇش ئۈچۈن قويۇپ قويىمىز.     3. كاللەك بەسەينىڭ ئوتتۇرلىقىدىكى يۈرەك قىسمىنى ئېلىپ قېلىپ، قالغىنىنى قولىمىزدا تىتىپ پارچە-پارچە ھالەتكە ئەكەلگەندىن كىيىن، قايناپ تۇرغان سۇغا بىر سېلىپلا سۈزۈۋالساق بولىدۇ.     5. كۆكتاتنى چىلاشتا ئىشلەتمەكچى بولغان قاچىغا ئالدىدا تەييار قىلغان چىلاش سۈيىنى قۇيۇپ، مۇۋاپىق مىقداردا ئاق شىكەر قوشىمىز.(ئادەتتىكى نورمال بىر تۈپ كاللەك بەسەي چىلاش ئۈچۈن 350گىرام ئەتراپىدىكى شىكەر ئىشلەتسەك مۇۋاپىق)     6. ئۈستىگە مۇۋاپىق مىقداردا ئاچچىقسۇ قۇيىمىز. (ئالدىنقى باسقۇچتىكى ئۆلچەم بويىچە 400مىللىلىتىر ئەتراپىدا ئاچچىقسۇ قوشۇلسا مۇۋاپىق)     8. شەربەت تەييار بولغاندىن كىيىن، بىر قەۋەت كاللەك بەسەي بىر قەۋەت سەۋزە شەكلىدە كۆكتاتلارنى قاچىغا سالىمىز.( بۇ جەرياندا، سالغان كۆكتاتلارنى توختىماي بېسىپ چىڭداپ مېڭىشىڭىز كىرەك)      9. كۆكتاتنى سېلىپ بولغاندىن كىيىن، قاچىنىڭ ئېغىزىنى مەھكەم ئىتىپ، كۈن چۈشمەيدىغان يەردە قويىمىز؛ ئەگەر ئۆي ئىچى تىمپىراتۇرىسى يۇقىرى بولۇپ قالسا، توڭلاتقۇنىڭ سۇغۇق ساقلاش بۆلۈمچىسىگە سېلىپ قويسىڭىزمۇ بولىدۇ. بۇ ھالەتتە بىر ئاخشام قويغاندىن كىيىن، ئىككىنچى كۈنى ئىستىمال قىلىشقا بولىدۇ.